63
Náðugi konungur, Nasaret frá
Lotningarfullt
1. Náðugi konungur,
Nasaret frá,
fallinna friðþæging,
fullkomnun há.
Úr himna helgum stað
hingað á jörð
komst til að ljá þitt líf
lifenda hjörð.
2. Er þetta blessað brauð
brjótum í dag,
hold þitt er nísti nauð,
níðinga slag,
sárþjakað, táið tætt,
titrandi’ á kross.
Lofgjörð fram líður heit,
Lamb Guðs frá oss.
3. Kaleikinn bergjum blítt,
berandi’ að vör,
dreyrann er draup þar strítt,
dauðlegra kjör.
Hvar sem vor liggur leið,
líf vort uns þver,
fylg oss, að fyllra líf
finnum hjá þér.
Lag og texti: Hugh W. Dougall, 1872–1963
Íslensk þýðing: Jón Hjörleifur Jónsson, 1923