45
Bænamál
Íhugult
1. Ég á mér griðastað og stund,
er stillir heimslægt prjál,
þá ég kem á Drottins kærleiksfund
og krýp við bænamál.
[Chorus]
Megi bæna ljúfast lag
líf mitt verða nótt sem dag,
tengja himni hug og sál,
heilagt fyrir bænamál.
2. Við fagran engla friðarsöng
hér finnur mannleg sál
hinn krappa veg til himins heim
við heilög bænamál.
[Chorus]
Megi bæna ljúfast lag
líf mitt verða nótt sem dag,
tengja himni hug og sál,
heilagt fyrir bænamál.
3. Um lífsins æstan ólgusjó
við ofviðranna bál
er huggun ljúf, að hæstur Guð
mín heyrir bænamál.
[Chorus]
Megi bæna ljúfast lag
líf mitt verða nótt sem dag,
tengja himni hug og sál,
heilagt fyrir bænamál.
4. Ef þyrnum stráð er lífsins leið
með lævísinnar tál,
minn frelsari mig friðar þá
við fegurst bænamál.
[Chorus]
Megi bæna ljúfast lag
líf mitt verða nótt sem dag,
tengja himni hug og sál,
heilagt fyrir bænamál.
Lag og texti: Hans Henry Petersen, 1835–1909
Íslensk þýðing: Jón Hjörleifur Jónsson, 1923