Jenèz 42–46

Jozèf ak Grangou a

Chans yon frè pou ini fanmi li

Fanmi Jakòb te nan grangou akoz yon rate manje. Konsa Jakòb te voye pitit gason l yo nan Ejip pou yo t al achte manje. Li te kite pi piti pitit gason l la, Benjamen, lakay. Li te pè pèdi Benjamen jan l te pèdi pitit gason l Jozèf la, plizyè ane anvan sa. Li pa t konnen ke pi gran pitit gason l yo te vann Jozèf kòm esklav.

Jenèz 42:1–4

Rive lè sa a, Jozèf sete yon gran chèf nan Ejip. Li te responsab pou vann manje pandan grangou a. Frè yo te rankontre avèk Jozèf epi yo te mande l manje. Yo pa t rekonèt li.

Jenèz 42:5–8

Jozèf te rekonèt yo, men li te fè tankou l pa t konnen yo. Li te mande yo nouvèl fanmi yo pou l te wè si papa li ak tifrè l la, Benjamen, te vivan.

Jenèz 42:10–14

Apresa Jozèf te bay frè l yo manje. Li te di yo pou yo pa t tounen pou plis manje san yo pa t mennen pi jèn frè yo a, Benjamen, avèk yo.

Jenèz 42:15–20

Lè manje nan fanmi an te fini ankò, Jakòb te konnen li te dwe voye Benjamen avèk lòt pitit gason l yo tounen Ejip. Jakòb te toujou enkyete konsènan kite Benjamen ale. Men Jida, youn nan frè yo, te pwomèt li t ap asire sekirite Benjamen.

Jenèz 43:1–15

Lè frè yo te retounen nan Ejip, Jozèf te fè bagay yo sanble tankou Benjamen te vòlè yon kèp an jan. Li te vle wè si pi gran frè l yo te chanje. Jida te sipliye Jozèf pou l pa t pini Benjamen men okontrè pou l te pini limenm olyesa.

Jenèz 44

Jozèf te kontan wè ke frè l yo te chanje. Yo te renmen Benjamen ase pou te pwoteje l. Konsa, finalman, Jozèf te di yo kimoun li te ye.

Jenèz 42:21–24; 45:1–4

Jozèf te padone frè l yo ki te vann ni kòm esklav la. Jozèf te di sete fason Senyè a pou te ede fanmi yo siviv anba epòk grangou a.

Jenèz 45:5–8

Frè Jozèf yo te retounen al jwenn papa yo, Jakòb, epi yo te di l tout sa ki te pase. Jakòb te deplase tout fanmi li ale nan Ejip.

Jenèz 45:24–28; 46:1–26

Farawon te akeyi fanmi Jakòb. Li te ba yo tè ak bèt konsa pou yo te ka gen anpil manje. Fanmi Jakòb te viv nan lapè pandan anpil tan.

Jenèz 45:16–23