Moyiz ak Sèpan Eren an

Aprann gen lafwa nan Senyè a

Pandan Izrayelit yo t ap vwayaje nan dezè a, yo te souvan bliye Senyè epi yo te plenyen. Senyè a te voye sèpan pou te ede yo gen imilite epi pou yo te sonje Li. Sèpan yo te mòde moun yo epi anpil te mouri.

Resansman 21:1–6

Byen vit, moun yo te repanti. Yo te mande Moyiz pou l te priye pou Senyè a te fè sèpan yo ale. Senyè a pa t retire sèpan yo. Men, Li te fè yon fason pou moun yo te sove si sèpan te mòde yo.

Resansman 21:7

Senyè a te di Moyiz pou l te fè yon sèpan an eren epi pou l te tache l sou yon poto. Lè sèpan te mòde moun yo epi yo te gade sèpan eren an, Senyè a te sove yo. Senyè a te ede Izrayelit yo gen imilite, pou yo te fè L konfyans.

Resansman 21:8–9; 1 Nefi 17:41; Elaman 8:14–15