Lesona 2 Anomea mo le Sauniuniga o le Vasega

Tali Atu i Perofeta a le Alii

Atonu ua e vaai i ni tagata na ese lo latou tali atu i savali na tuuina mai e perofeta. Sa i ai foi i tagata o le Tusi a Mamona ni lagona eseese. O a ni mea e mafai ona tatou aoao mai i tagata ma perofeta o le Tusi a Mamona e faatatau i le tali atu i le Alii ma Ana savali? Aʻo e suesue, mafaufau pe faʻapefea ona e tali atu ma le faatuatua ma le usiusitai faateleina i le afioga a le Atua na tuuina mai e ala mai i Ana perofeta.

Vaega 1

E faapefea ona momoli mai e lapataiga a perofeta le alofa o le Alii mo a’u?

Na saunoa mai Peresitene Henry B. Eyring o le Au Peresitene Sili:

Ona e agalelei tele le Alii, o lea ua Ia valaauina ai Ana auauna e lapataia tagata e uiga i mea matautia. O lena valaauga e lapatai atu ua atili faigata ma sili atu ona taua ona o le mea moni e faapea, o lapataiga e aupito sili ona aoga ua faatatau lea i mea matautia ia e le i mafaufau i ai tagata e faapea ua moni. (“O Se Leo o le Lapataiga,” Liahona, Nov. 1998,32)

Suesue mo Sauniuniga mo le Vasega

Faitau le 1 Nifae 1:4, ma vaavaai po o ai na auina mai e le Alii e lapatai tagata o Ierusalema ma po o le a le savali na latou momoliina mai.

E pei o le toatele o perofeta na muamua mai ia te ia, na tatalo Liae mo tagata o Ierusalema. Ona lofituina ai lea o ia e le Agaga ma vaai ia Iesu Keriso i se faaaliga vaaia. Na faaali atu e le Alii ia Liae se tusi ma fai atu ia te ia e faitau i ai. (Tagai i le 1 Nifae 1:5–12.)

Suesue mo Sauniuniga mo le Vasega

Faitau le 1 Nifae 1:13–14, ma vaavaai mo le mea na oo ina malamalama i ai Liae e uiga i le Alii. Atonu e te manao e faailoga mea ua e maua.

Na aoao mai Elder D. Todd Christofferson o le Korama a Aposetolo e Toasefululua:

O le uunaiga mo le siitiaina o le leo o le lapataiga, o le alofa lea—alofa i le Atua ma le alofa i uso a tagata. O le lapatai atu o le popole lea. (“OLe Leo o le Lapataiga,” Liahona, Me 2017, 109)

Suesue i Sauniuniga mo le Vasega

Faitau le 1 Nifae 1:19–20, ma vaavaai pe na faapefea ona tali atu tagata o Ierusalema i le savali na faasoa atu e Liae.

I o tatou aso, ua valaauina ai e le Alii tamalii e 15 (o sui o le Au Peresitene Sili ma le Korama a Aposetolo e Toasefululua) o ni perofeta, tagatavaai, ma tali faaaliga. Na aoao mai Elder Ulisses Soares o le Korama a Aposetolo e Toasefululua le mea lenei e uiga i le i ai o perofeta i le lalolagi:

O le i ai o perofeta o se faailoga o le alofa o le Atua i Ana fanau. Latou te faailoa mai folafolaga ma le natura moni o le Atua ma Iesu Keriso i lo La’ua nuu. (“ESaunoa Perofeta i le Mana o le Agaga Paia,,” Liahona, Me 2018, 99)

Na aoao mai foi Nifae, o le Faaola e totonugalemu i mea e aoao mai ma tusitusi e perofeta.

Suesue mo Sauniuniga mo le Vasega

Faitau le 2 Nifae 25:26, ma vaavaai mo le mafuaaga e aoao ma molimau mai ai perofeta e uiga ia Iesu Keriso.

Mafaufau Loloto i Sauniuniga mo le Vasega

O faapefea ona fesoasoani perofeta i le faateleina o lou faatuatua i le Faaola? O a ni savali lata mai nei faaperofeta ua fesoasoani e te malamalama lelei ai i le natura o le Atua ma Iesu Keriso?

Vaega 2

E mafai faapefea ona ou iloa ua fai le perofeta soifua ma sui o le Alii?

Vaai faalemafaufau pe faape’ī le lagona o le avea ma se tasi o fanau a Liae ina ua ia ta’u atu ia i latou na finagalo le Alii latou te tuua lo latou fale ae malaga i le vao. O le a sou manatu, mata e faape’ī sau tali atu i lenei savali?

Suesue i Sauniuniga mo le Vasega

Faitau le 1 Nifae 2:11–13, 16–17, ma vaavaai mo le ala na tali atu ai atalii o Liae ia te ia ma i le savali a le Alii e sosola ese ma Ierusalema. Atonu e te manao e faailoga mea ua e maua.

Sa faamalamalama mai e Peresitene Eyring:

Mai le aiga o Liae, sa na’o i latou o e na i ai le faatuatua ma o e na latou mauaina le faaaliga faamautinoa na vaai i tulaga lamatia ma le ala i le saogalemu. Mo i latou sa le’i i ai le faatuatua, o le siitia atu i le vao na foliga mai sa le gata ina faavalevalea ae na matautia foi. (“Safety in Counsel,” Ensign, Iuni 2008, 7)

Tusifaamaumau Ou Lagona Uunaia

Mafaufau e tusi i lau apitalaaga ia tali i fesili nei: O a ni mea e mafai ona e aoao mai i faataitaiga a atalii o Liae ia e mafai ona taiala ai a’u tali atu i aoaoga faaperofeta? O le a se taimi na e maua ai se molimau e uiga i se valaau a se perofeta po o se savali a se perofeta?

Vaega 3

O a ni mea e mafai ona ou aoao mai i le ala na tali atu ai tagata o le Tusi a Mamona i savali a le Alii na momoli mai e ala mai i perofeta?

Suesue i Sauniuniga mo le Vasega

Filifili se tasi po o le sili atu o faataitaiga nei o se perofeta o loo momoliina mai se savali mai le Alii. A o e suesue, vaavaai mo le ala na tali atu ai tagata. Faailoa atu mataupu faavae ua e aoaoina e uiga i le tali atu i perofeta. Mafaufau e tusi mataupu faavae e te maua ma aumai i le vasega.

• Tupu o Peniamina: Upu a Mamona 1:17–18; Mosaea 2:9; 4:1–3

• Apinati: Mosaea 12:1, 9; 13:1–3; 15:11; 17:11–20

• Alema: Mosaea 17:1–4; 18:1–3, 14–16

• Nifae, le atalii o Helamana: Helamana 7:11–13, 17–20; 8:4, 7–9

• Samuelu: Helamana 13:2–5, 8, 11; 16:1–3, 6–7, 15–18

A o auauna ai o se Fesoasoani Muamua i le Au Peresitene Aoao o Tamaitai Talavou, na aoao mai ai e Sister Carol F. McConkie le mea lenei:

E i ai sa tatou filifiliga. E mafai ona tatou filifili ia lē amanaiaina, manatu faatauvaa i ai, le ano i ai, pe fouvale foi i afioga a Keriso ua saunoa i ai Ana auauna faauuina. Ae ua aoao mai le Faaola e faapea o i latou o e faia ia mea o le a vavaeese mai Lona nuu o le feagaiga [tagai i le 3 Nifae 20:23]. …

… Tau ina ia tatou filifili e tutu faatasi ma perofeta ma ola e tusa ma a latou upu seia oo ina tatou lotogatasi i le faatuatua, faamamaina ia Keriso, ma faatumulia i le malamalama o le Alo o le Atua. (“Ola e Tusa ma Upu a Perofeta,” Liahona, Nov. 2014, 79)

Manao Pea i Nisi Mea? (Tuu i le faitalia)

O le a se mea e aoao mai e faalaniga o le tagatavaai ma le Aposetolo e uiga i le matafaioi a se perofeta?

Ina ia aoao atili e uiga i le matafaioi a se perofeta i le avea ai ma se tagatavaai, suesue i le Mosaea 8:16–18.

I le vitio “Elder Bednar Speaks on Apostles’ Role” (11:06), o loo saunoa mai ai Elder David A. Bednar o le Korama a Aposetolo e Toasefululua e uiga i le valaauga o se Aposetolo.

Ina ia aoao atili e uiga i le matafaioi o se Aposetolo, faitau i le “Calling an Apostle of the Lord,” lea o loo maua i luga o le ChurchofJesusChrist.org.

Aisea tatou te manaomia ai perofeta soifua?

I le vitio “Why Is It Important to Listen to and Follow the Living Prophets?” (4:16), o loo faamalamalama mai ai e Sister McConkie le taua o le faalogo i leo sa’o pe a mamanu ala o o tatou olaga.

E mafai faapefea ona ou iloa ma maua la’u lava molimau e uiga i perofeta o aso nei?

Matamata le vitio o le Tusi a Mamona “Nephi Prays for Laman and Lemuel (1 Nephi 2:8–24)” (6:02) e vaai ai i le auala na maua ai e Nifae se faamautinoaga na tautala lona tamā i le mea moni.

Ua tatalo Nifae mo Lamana ma Lemuelu | 1 Nifae 2:8–24

Ua maua e Nifae se faamaoniga mai le Alii e faapea na saunoa lona tama i le upumoni, ma ua ia tatalo foi mo Lamana ma Lemuelu.

I lana lauga “O Le Perofeta a le Atua” (Liahona, Me 2018, 24–27), ua aoao mai ai Elder Neil L. Andersen o le Korama a Aposetolo e Toasefululua e uiga i le matafaioi a perofeta, o lo latou manao e aumai i tatou i le Faaola.