Lesona 27 Anomea mo Sauniuniga o le Vasega: Faatuatua, Faamoemoe, ma le Alofa Mama
“Lesona 27 Anomea mo Sauniuniga o le Vasega: Faatuatua, Faamoemoe, ma le Alofa Mama,” Anomea a le Faiaoga o Aoaoga ma Aoaoga Faavae o le Tusi a Mamona (2021)
“Lesona 27 Anomea mo le Sauniuniga o le Vasega,” Anomea a le Faiaoga o Aoaoga ma Aoaoga Faavae o le Tusi a Mamona
Lesona 27 Anomea mo le Sauniuniga o le Vasega
Faatuatua, Faamoemoe, ma le Alofa Mama
Ata
E Toe Afio Mai o Ia e Pule ma Nofotupu, saunia e Mary R. Sauer
Na aoao mai Peresitene Dieter F. Uchtdorf, i le taimi a o i ai i le Au Peresitene Sili, “O le fatuatua, faamoemoe, ma le alofa mama e galulue faatasi, ma a faateleina le tasi, e faatupuina foi isi. … O uiga auaumama e tolu o le—faatuatua, faamoemoe, ma le alofa mama—e galulue faatasi, e tamauina i luga o le upumoni ma le malamalama o le talalelei toefuataiina a Iesu Keriso, e taitaia i tatou e fai galuega lelei [tagai Alema 7:24]” (“O Le Mana e Le Iu o le Faamoemoe,” Ensign po o le Liahona, Nov. 2008, 23, 24; tagai Moronae 10:20). Aʻo e suʻesuʻe i le anomea lenei, mafaufau i mea e mafai ona e faia e atili tuufaatasi atoa ai nei uiga auaumama paia i lou olaga.
Vaega 1
E faapefea ona faatosinaina lo’u faamoemoe e lo’u faatuatua ia Iesu Keriso?
Ina ua mavae le faatama’iaga o le nuu o sa Nifae, sa tuua toatasi na’o Moronae e faauma le Tusi a Mamona. Sa ia faaopoopoina foi nisi o aoaoga mai lona tama o Mamona, lea na aofia ai se lauga e uiga i uiga auaumama o le faatuatua, faamoemoe, ma le alofa mama (tagai Moronae 7:1).
Faitau le Moronae 7:33, 38, 40–43, ma vaavaai mo le mea na aoao mai e Mamona e uiga i le faiā i le va o le faatuatua ma le faamoemoe.
Na aoao mai Elder M. Russell Ballard o le Korama a Aposetolo e Toasefululua, e uiga i le faiā i le va o le faatuatua ma le faamoemoe:
Ata
Peresitene M. Russell Ballard
O le faatuatua i le Alii o Iesu Keriso—le faatuatuamoni , o le loto atoa ma e le maluelue—o se mana e ao ona talitonuina tele i le atulaulau. E mafai ona avea o se malosi’aga o afuaga lea e mafai ai ona tutupu vavega. Pe e mafai foi ona avea o se puna o le malosiaga i totonu, lea e mafai ona tatou maua ai le filemu, lagolelei, ma le lototele e taulima ai [se mea].
A tuu atu o tatou faatuatua ma le faalagolago ia galulue, e fanau mai ai le faamoemoe. O le faamoemoe e tupu mai i le faatuatua ma aumaia ai le uiga ma le faamoemoe i mea uma tatou te faia. E mafai foi ona aumaia ia i tatou le faamautinoaga toafilemu tatou te manaomia e ola fiafia ai i se lalolagi ua pula i le agasala, mala, ma le le sa’osa’o. (“The Joy of Hope Fulfilled,” Ensign, Nov. 1992, 32)
O a ni faamanuiaga ua oo mai pe e mafai ona oo mai i lou olaga ao e faatotonugalemuina lou faatuatua ma le faamoemoe ia Iesu Keriso?
Vaega 2
E faapefea ona ou faateleina lo’u gafatia ona maua le faamoemoe?
Ina ua otooto e Moronae faamaumauga o sa Iareto, sa ia faaaofia ai aoaoga a le perofeta o Eteru e uiga i le faatuatua. Ona ia toe faamatalaina lea o le tele o vavega na tutupu e ala i le faatuatua ia Iesu Keriso. (Tagai Eteru 12:3–22.) Sa faamalamalama mai e Moronae e faapea “faatuatua o mea ia ua faamoemoe i ai ae ua le vaaia” (fuaiupu 6).
Ata
aikona, suesue
Suesue e Sauniuni ai mo le Vasega
Faitau le Eteru 12:4, 32, ma mafaufau i le mea e mafai ona e tulimatai atu i ai ao e faaali atu le faatuatua i le Atua.
Na saunoa Peresitene Uchtdorf i le mea lenei e uiga i le mana e le iu o le faamoemoe:
Ata
Peresitene Dieter F. Uchtdorf
O le faamoemoe o se meaalofa a le Agaga [tagai Moronae 8:26]. O se faamoemoe lea e ala i le Togiola a Iesu Keriso ma le mana o Lona Toetu, o le a tatou siitia ai i le ola faavavau, ona o lo tatou faatuatua i le Faaola [tagai Moronae 7:41]. O lenei ituaiga faamoemoe o se mataupu faavae uma o le folafolaga faapea ma se poloaiga [tagai Kolose 1:21–23], e, pei foi ona i ai i poloaiga uma, ua i ai sa tatou tiutetauave ia avea lea ma se vaega malosi o o tatou olaga ma faatoilalo le faaosoosoina ina ia faaleaoga le faamoemoe. O le faamoemoe i le fuafuaga alofa o le fiafia a lo tatou Tama Faalelagi e taitaiina atu ai i le filemu [tagai Roma 15:13], alofa tunoa [tagai Salamo 33:22], fiafia [tagai Roma 12:12], ma le olioli [tagai Faataoto 10:28]. O le faamoemoe o le faaolataga e pei lava o se puloutau [tagai 1 Tesalonia 5:8]; o se faavae lava o lo tatou faatuatua [tagai Eperu 11:1; Moronae 7:40] ma o se taula i o tatou agaga [tagai Eperu 6:19; Eteru 12:4]. (“O Le Mana e Le Iu o le Faamoemoe,” 21–22)
Ata
aikona, mafaufau loloto
Mafaufau Loloto i Sauniuniga mo le Vasega
O le a se mea e mafai ona e faia ia avea ai le faamoemoe o se vaega sili ona malosi o aso uma o lou olaga?
Vaega 3
O a ni taunuuga o le alofa mama e mafai ona i ai i a’u fegalegaleaiga ma isi ma Iesu Keriso?
Ina ua uma ona talanoa mai i le faatuatua ma le faamoemoe, na faaiuina e Mamona lana lauga i le taulai atu i le alofa mama, po o “le alofa mama o Keriso” (Moronae 7:47).
Ata
aikona, suesue
Suesue e Sauniuni ai mo le Vasega
Faitau le Moronae 7:43–48, ma mafaufau e faailoga upu po o fuaitau e faauiga ma faamatala ai le alofa mama.
Sa ta’ua e Peresitene Jean B. Bingham, Peresitene Aoao o le Aualofa:
Ata
Peresitene Jean B. Bingham
O Iesu Keriso o le faataitaiga atoatoa lea o le alofa mama. O Lona ofo mai i le muai olaga e avea ma o tatou Faaola, o Ana fegalegaleaiga i Lona olaga faaletino atoa, o Lana meaalofa paia o le Togiola, ma Ana taumafaiga faifai pea ia toe avatu i tatou i lo tatou Tama Faalelagi, o ni faailoaga sili ia o le alofa mama. E galue o Ia i se taulaiga se tasi lava: o le alofa mo Lona Tama ua faailoa e ala i Lona alofa mo i tatou taitoatasi. …
Ou te molimau atu a o tatou mulimuli i Lana faataitaiga atoatoa, e mafai ona tatou mauaina le meaalofa o le alofa mama, lea o le a tatou maua ai le olioli tele i lenei olaga atoa ai ma le faamanuiaga folafolaina o le ola e faavavau faatasi ma lo tatou Tama o i le Lagi. (“O Le A Ou Aumaia le Malamalama o le Talalelei i totonu o Lou Aiga,” Ensign po o le Liahona, Nov. 2016, 6, 9)
Ata
aikona, mafaufau loloto
Mafaufau Loloto i Sauniuniga mo le Vasega
Mafaufau i ni faataitaiga se lua o le ala ua avea ai Iesu Keriso “o le faataitaiga atoa o le alofa mama.” Sue tala o faataitaiga i tusitusiga paia, ma ia sauni e faasoa mai ia le itiiti ma le tasi se faataitaiga i lau vasega.
A o e mafaufau i le faataitaiga a le Faaola, mafaufau pe faapei foliga o le alofa mama i lou olaga i aso uma. Na aoao mai Peresitene Thomas S. Monson:
Ata
Peresitene Thomas S. Monson
Ua ou mafaufau i le alofa e uuna’ia ai i tatou ia tigaalofa, agalelei ma alolofa mutimutivale, e le gata i taimi e mama’i ai ma puapuagatia ma faanoanoa, ae o taimi foi e vaivai ai ma sese isi.
O loo i ai se tulaga manaomia tele o le alofa lea e gauai atu ai ia i latou e le amana’ia, o le faamoemoe ia i latou ua lotovaivai, fesoasoani ia i latou ua puapuagatia. O le alofa moni lava o le alofa faatino. Ua i ai i soo se mea le manaomia o le alofa.
Ua manaomia le alofa e musu e faamalieina i le faalogo atu po o le saga faia o lipoti o mafatiaga e oo mai i isi, sei vagana ai o le faia o lena mea e manuia ai le sa mafatia. Fai mai se tamalii atamai ma upufai a Amerika o Horace Mann, “O le mafaufau alofa i lē ua mafatia o se uiga faaletagata; o le saili e faamafanafana i lē ua mafatia o se uiga faale-Atua.” [Horace Mann, Lectures on Education (1845), 297].
O le alofa o le onosai lea i se tasi ua mafua ai ona tatou lē fiafia. O le teena lea o le lagona o le itaitagofie. O le taliaina lea o vaivaiga ma faaletonu. O le taliaina o tagata i o latou tulaga moni o i ai. O le faaseloa o le vaai i luga atu o le vaaiga faaletino, i uiga faaleatua e le mu itiiti i le gasologa o le olaga. O le teena lea o le lagona e tuufaavasega isi.. (“ELe Uma le Alofa,” Ensign po o le Liahona, Nov. 2010, 124)
O le a se mea e mafai ona e faia e atili saili faamaoni ai le meaalofa o le alofa mama ma atinae le alofa faaKeriso mo isi? O ai e manaomia ona lagona le alofa o le Faaola e ala atu ia te oe? O le a se mea e mafai ona e faia e fesoasoani ai i lenei tagata ia lagona Lona alofa?
