Faaiteiteraa ohipa rima î na te mau tamarii

A tatara mai ta outou mau peni tara e aore râ, te peni, e a faaineine i te hamani ! I te matahiti 2011, e itehia te ohipa rima î na te mau tamarii na te ao atoa nei i roto i te hoê faaiteiteraa i te Fare Vaha Rau no te Aamu o te Ekalesia e i roto i te hoê faaiteiteraa rima î i ni‘a i te itenati. Teie te huru no te faaoraa i roto :

1. A hamani i te hoê ohipa rima î i ni‘a i te parau tumu ra « Te haamaitai nei te Evanelia i to‘u oraraa ». E nehenehe outou e hamani i te hoê ohipa rima î no ni‘a i te utuafare, te hiero, te misionare, te peropheta, te papa‘iraa mo‘a, te natura, te taviniraa, te mau pionie, te Paraimere e aore râ, te mau faaoaoaraa a te Ekalesia.

2. Tei roto to outou matahiti i te area e 5 e tae atu i te 12, e e hapono mai outou hoê noa a‘e ohipa rima î.

3. E hamani outou i ta outou ohipa rima î i ni‘a i te hoê api parau e aore râ, i ni‘a i te hoê ahu. Eiaha ia rahi atu i te 12 initi i ni‘a i te 14 initi (30 tenetimetera i ni‘a i te 36), e eiaha e auahaati i te reira.

4. E faaohipa outou i te penitara, te peni, te papa‘i û, te inita, te arahu, te acrylic, te û pape, te pastels, te hinu, e aore râ, te tahi atu huru rave‘a.

5. Haere maru noa ia riro ho‘i ta outou ohipa rima î ei ohipa hau roa a‘e i te maitai ta outou e nehenehe e hamani. A faaô i ta outou ohipa i ni‘a i te aano hopea no te api parau.

6. A papa‘i i to outou i‘oa taatoa i muri i ta outou ohipa rima î. A ani i te hoê metua ia faaî e ia tarima i te api parau i raro nei. E tapiri i te parau i muri i ta outou ohipa rima î.

7. A hapono mai i ta outou ohipa na mua a‘e i te 31 no tiurai 2010. Eita ta outou ohipa rima î e faaho‘i-faahou-hia’tu ia outou ra.

E tapurahia ta outou ohipa i roto i te hoê faaiteiteraa i te Fare Vaha Rau no te Aamu o te Ekalesia, mai te 1 no tenuare e tae atu i te 30 no tiunu 2011 ; i roto i te hoê faaiteiteraa ohipa rima î i ni‘a i te itenati i ni‘a i te tahua itenati o te Friend e te Liahona ; e aore râ, i roto i ta yatou api i roto i te Liahona e aore râ, i roto i te Our Creative Friends i roto i te Friend. Eita te mau ohipa atoa e faaohipahia e aore râ, e faaiteitehia.

A hapono i ta outou ohipa i te :

Children’s Art Exhibit

45 N. West Temple St.

Salt Lake City, UT 84150-0024, USA

A faaî mai i teie mau haamaramaramaraa e te parau faati‘a i raro nei :

Te i‘oa taatoa o te tamarii

Matahiti

Tuhaa/Mataeinaa, Fenua

Imere e aore râ, numera niuniu a te metua

Te horo‘a nei au i te parau faati‘a ia tuuhia teie ohipa i roto i te hoê faaiteiteraa, i ni‘a i te tahua itenati a te Ekalesia, e i roto i te mau ve‘a a te Ekalesia, e no te mau faatianianiraa atoa.

Tuu-rima-raa a te metua e aore râ, te taata haapa‘o haamanahia e te ture

Faahoho‘araa na Steve Kropp