Te mau ohipa na‘ina‘i e te ohie

2010

Eperera 2010

Te mau ohipa na‘ina‘i e te ohie

« Na roto i te mau mea iti e te papû ra e faatupuhia‘i te mau mea rarahi » (Alama 37:6).

Te amuiraa i te mautaata atoa i roto i te pô utuafare

A ani i te melo tata‘itahi o te utuafare ia rave i te hoê tuhaa ohipa.
Na roto i te pure, a faaineine i te mau haapiiraa e te mau faaoaoaraa o te faaohipa i te utuafare taatoa.
A vaiiho i te mau tamarii ia faaite i te mea ta ratou i haapii mai i roto i te Paraimere. Te tahi anei himene, hoê papa‘iraa mo‘a, e aore râ, hoê ha‘uti no te haapii i te hoê parau tumu o te evanelia.
A ani i te mau melo o te utuafare ia horo‘a mai i te tahi mau tumu parau no te mau haapiiraa i muri nei. A hamani i te hoê tapura ; e a haapii i te reira mau parau tumu i te tahi taime.
Eiaha e faahepo i te mau melo o te utuafare ia amui mai. A tamata i te faatupu i te tahi huru i reira e nehenehe ai e faaite i te mau mana‘o e te mau feruriraa.

I roto i te mau ve‘a i muri nei, a hi‘o i te tahi mau mana‘o no te pô utuafare no te mau melo otahi e no te mau utuafare aita e tamarii.

Te mau hiero e rave rahi

130 : hiero e ohipa nei.
: hiero tei faaitehia e aore râ, te patuhia nei.
1 : oire i te ao nei e piti hiero i roto i to’na mau oti‘a, Jordan Apatoa, Utaha. « E riro outou i te ui e, no te aha o Utaha i fana‘o rahi ai. No te rahi o te ohipa e tupu nei i reira i titauhia ai te reira », ¹ te parau ïa a te peresideni Gordon B. Hinckley a faaite ai oia i te parau no te hiero no Oquirrh Mountain Utah i te ava‘e atopa 2005, te maha o te hiero i Salt Lake Valley.
34 : hiero i haamaitaihia i te matahiti 2000, te faito rahi roa a‘e te reira o te haamaitairaa hiero i roto i te hoê matahiti.
85 : haamaitairaa hiero i ravehia e te peresideni Hinckley i roto i to’na oraraa, te faito rahi roa a‘e te reira i ravehia e te hoê Aposetolo i roto i teie tau tuuraa evanelia. Ua rave atoa te peresideni Hinckley 10 haamaitai-faahou-raa
685,000 : taata tei tae atu i te opani iriti no te hiero no Draper Utah. Ua haamaitaihia te reira hiero i te ava‘e mati 2009.
6,800 : avae tuaea (682 metera tuaea) i roto i te hiero no Colonia Juárez Chihuahua Mexico, te hiero na‘ina‘i roa a‘e i roto i te Ekalesia.
331,032 : avae tuaea (30,754 metera tuaea) i roto i te hiero no Roto Miti, te hiero rahi roa a‘e i roto i te Ekalesia.
169 : tĭtĭ e mataeinaa i faataahia no te mataeinaa hiero no Manila i te fenua Philipino, te mataeinaa hiero teie o te tavini nei i te faito rahi roa a‘e o te mau paroita e te mau amaa i te tahi atu mataeinaa hiero i roto i te Ekalesia.

I ni‘a i te pae aui : faahoho‘araa o te hiero no Manila Philippines na Robert T. Barrett ; i raro i te pae aui : te mau hoho‘a i patahia e Matthew Reier ; i te pae atau : hoho‘a © Corbis

Na ni‘a te haamata : hoho‘a faahoho‘ahia na Christina Smith ; hoho‘a © Deseret Morning News ; hoho‘a faahoho‘ahia na Robert Casey