Te tautururaa ia faaamu i te mau arenio a te Faaora
No te hoê a‘oraa o te amuiraa rahi no atopa 1997.
Ua faatasaurohia te Faaora e ua ti‘a-faahou mai. Ua haere Ta’na mau pĭpĭ i Galilea. Ua haa noa ratou e ao noa a‘e te pô, e aore roa i noaa. Ia fatata mai ratou i te pae tahatai, te marehurehu noa ra, aita a‘e ra ratou i taa oioi atu Ia’na. Ua tuo atu ra Oia ia ratou, ma te parau atu i hea e taora ai i ta ratou upea, e ia na reira a‘e ra ratou, ua î roa a‘e ra ta ratou mau upea. Ua haapeepee maira ratou i te pae tahatai e haamauruuru Ia’na.
Ua ite a‘e ra ratou i te auahi arahu e te i‘a e ama ra e te faraoa. Ei reira ua horo‘a’tura Oia i te hoê faaueraa ia ratou tei au atoa no tatou tata‘itahi.
« E paia a‘e ra ratou, ua parau atu ra Iesu ia Simona Petero, e Simona a Iona e, te rahi na to oe hinaaro ia‘u i teie nei ? Ua parau maira oia, e te Fatu e, ua ite oe e, te hinaaro atu nei au ia oe. Ua parau atu ra Oia ia’na, a faaamu i ta‘u mau arenio » (Ioane 21:15).
I vai tamau noa na te feia mo‘a o te Atua i raro a‘e i te fafauraa no te faaamu i te varua o te tahi e te tahi, o ratou ihoa râ tei apî roa i roto i te evanelia.
E nehenehe ta te hoê tamarii e rave i te mau mea o te faaamu i te faaroo o vetahi ê. E nehenehe ta te mau tamarii e ani i te hoê taata faafariu-apî-hia ia haere na muri iho ia ratou i te hoê pureraa. E nehenehe ta te mau tamarii e ataata e e aroha i te hoê melo apî e haere mai nei i roto i te fare pureraa e aore râ, i roto i te piha haapiiraa. E ia na reira ho‘i tatou, e riro ïa te Varua Maitai ei hoa no tatou.
E nehenehe te mau parau atoa ta tatou e parau e haapuai e aore râ, e haaparuparu i te faaroo. E hinaaro tatou i te tauturu a te Varua no te faahiti i te mau parau e faaamu e e haapuai.
Na roto noa i te haapa‘o e nehenehe ta tatou e tauturu i te Fatu ia faaho‘i i te mau arenio, Ta’na mau arenio, i roto i To’na rima i piha‘i iho i to ratou Metua e to tatou Metua.
Ua ite au e, o Iesu te Mesia. Ua ite au e, te ora nei oia. E ua ite au e, te arata‘i nei Oia ia tatou i roto i teie ohipa —Ta’na ohipa —no te faatupu i te ora mure ore o te mau tamarii a To’na Metua.»
Te auraa no te parau Faaamu te horo‘araa ïa i te maa.
Maa
Pape
Vahi hau no te taoto
Parururaa ia ratou i te mau luto e te tahi atu mau fifi
Aroha i te hoê melo apî o ta outou piha haapiiraa
E ani i te hoê hoa ia haere mai i te Paraimere
Horo‘a i te Liahona
Na te pae aui : Te arenio mo‘e, na Del Parson ; hoho‘a o te luto e te arenio © Hoho‘a na Getty ; hoho‘a no te fare vairaa © Corbis ; hoho‘a no te maa e te pape na David Stoker ; faahoho‘araa na Apryl Stott