Mana‘o
E Liahona Apî
I to‘u tai‘oraa e, i te ava‘e tenuare 2010 e Liahona, apî ta tatou, ua mihimihi rii au. Ua riro te ve‘a ei tutau no‘u i roto i te evanelia mai to‘u bapetizoraahia i te 17raa o te matahiti. Ua puai to‘u iteraa papû a tai‘o ai au i te mau iteraa o te tahi atu mau melo e ua ite au e, e ere o vau ana‘e. Te faaherehere nei au i te mau ve‘a ta‘u i rave mai, no te mea, tei roto i te reira te mau parau poroi faauruhia tei tauturu ia‘u i roto i te mau taime ati e te fifi.
I teie nei ua horo‘a mai outou ia matou i te hoê Liahona maitai atu e te rau atu, tera râ, hoê â huru parau ti‘a mai to te matamua ta‘u i tai‘o i te matahiti 1992. Mauruuru mai roto mai i te hohonuraa o to‘u aau.
Julia A. Florian, Guatemala
E Tumu no te Maitai Pae Varua e no te Puai
Ua riro te Liahona ei haamaitairaa rahi e te oaoa no‘u. Te tauturu nei te reira ia‘u ia farerei i te mau melo na te ao atoa nei, ia ite i te parau no to ratou fenua e to ratou hiroa tumu, e ia farii i to ratou faaroo. Ua riro te ve‘a ei tumu no te maitai pae varua rahi e no te puai, e te tauturu nei te reira ia‘u ia maitai atu.
Modesta Giuliani, Italia
Hoê Temeio i roto i ta Matou Paroita
I roto i ta‘u paroita e mea varavara roa te hahaereraa utuafare e tei raro roa te haereraa hiero. I roto i to‘u ti‘araa taata faatere no te hahaereraa utuafare e ei rave ohipa i roto i te hiero, ua pure au no te taui i teie huru. Ua faaohipa vau i te a‘oraa a Elder Richard G. Scott i roto i te amuiraa, « Te haamoriraa i roto i te Hiero: Te Tumu no te Puai e te Mana i te mau Taime Fifi » (Liahona, Me 2009, 43) no te paraparau i roto i te pureraa oro‘a e i roto i te Sotaiete Tauturu. Ua putapû roa te mau melo o te paroita. Ua fatata te Hahaereraa utuafare i te tae‘ahia i te 100 i ni‘a i te hanere i teie nei, e e rave rahi te taata e haere nei i te hiero e o te faaohipa nei i te mau taahiraa ta Elder Scott i faaite mai i roto i ta’na parau poroi. Mauruuru maitai ia Elder Scott no ta’na parau poroi nehenehe roa e ia outou atoa no te Liahona.
Ana Meza de Eulogio, Peru
A faatae atu i te mau parau e te mau mana‘o tauturu i te liahona@ldschurch.org. E nene‘ihia te mau pahonoraa no te roa e te maramarama.