Ta tatou api
I te tahi taime mai te huru ra e, aita vau e taa i te hoê mea no ni‘a i te Ekalesia e aore râ, e mana‘o vau e, aita to‘u faaroo i nava‘i no te hoê mea taa ê. Ia tupu ana‘e mai taua mana‘o ra i roto ia‘u, e pure au i te Metua i te Ao ra no te ani i te tauturu. Fatata pauroa te taime e farii au i te hoê pahonoraa. E tupu mai te mahanahana e te hau i roto iau, e e ite au e, te faaroo mai nei te Atua i ta‘u mau pure e te here papû nei Oia ia‘u. Na teie mau mea e tauturu i to‘u iteraa papû e to‘u here i te Atua ia tupu i te rahi.
Ua ite au e, te Atua to tatou Metua e e here rahi To’na ia tatou tata‘itahi Te faaroo mai nei oia i to tatou mau fifi, e te tono mai nei Oia i te Varua Maitai no te tamahanahana ia tatou. Ua ite au e, te faaroo mai nei Oia i ta tatou mau pure e e oaoa Oia ia rave tatou i te parau ti‘a. E oaoa vau ia ite e, te here nei te Atua ia‘u, e e melo vau no te Ekalesia. Ua ite au e, e Tamaiti o Iesu Mesia Na’na e e Faaora no tatou.
Deveney R., 11 matahiti, Switzerland
Carlos D., 8 matahiti, Brazil
Viet Minh Tri P., 10 matahiti, Cambodia
E tamaiti oaoa e te itoito o Daniel K., 7 matahiti, no Denmark. E mea au roa na’na ia tauturu i roto i te aua tiare. E mea au atoa na’na ia tauturu i te tunuraa i te maa te—hamaniraa ihoa râ i te pizza. E mea itoito roa oia i te haapiiraa e e mea au na’na te tu‘e popo, te haere e hopu i te pape, e te ta‘uma i ni‘a i te tumu raau. E mea au roa na’na ia tauturu i te tahuraa i te auahi i roto i te mau ohipa Scout. I te fare pureraa e mea au roa na’na te mau aamu no ni‘a ia Iosepha Semita e ia Iesu, e e mea au roa na’na e himene « Ma‘iti i te Maitai ».