Heleni

E toru matahi to Rigas Pofantis e to Nicholas Malavetis imiraa i te mau parau mau o te faaroo, te ite nei raua i te hoê parau i roto i te ve‘a no te matahiti 1898 te faaite ra no ni‘a i te mau momoni. Ua maere raua e ua papa‘i raua i te pû o te faatereraa o te Ekalesia no te titau i te tahi atu ite. Ua tono te feia faatere o te Ekalesia i te peresideni misioni no Turekia ia haere e haapii i taua na taata ra i Heleni. I te matahiti 1903 ua pohe o Nicholas Malavetis, tera râ, e piti matahiti i muri mai, ua papa‘i faahou o Rigas Pofantis i te pû faatereraa o te Ekalesia no te ani ia bapetizohia oia. Ua tono faahou te feia faatere o te Ekalesia i te peresideni misioni no Turekia, na’na i bapetizo i te taea‘e Pofantis e e pae taata ê atu, mai te vahine ivi a Nicholas Malavetis.

Ua tae atu te mau misionare matamua i Heleni e ono ava‘e i muri a‘e i te reira bapetizoraa ra matamua, tera râ, i te omuaraa o te matahiti 1909, ua tape‘a te Ekalesia i te ohipa misionare no te maororaa fatata e 70 matahiti, te tumu rahi, no te mau fifi politika ïa i taua fenua ra. I taua area taime ra, ua haamata te mau taata i roto i te nuu e noho ra i reira, i te faaite i te evanelia i te mau taata no te fenua Heleni. Noa’tu râ i te reira, e mea taere te haereraa i mua ; i muri a‘e i to te amaa no Ateno monoraa i te feia faatere o te Ekalesia no te nuu i te matahiti 1967, ua itehia te faito e 80 melo i ni‘a i te tapura o te melo i roto i te amaa, tera râ, e va‘u ana‘e taata no Heleni.

I te matahi 1972, na Elder Gordon B. Hinckley (1910–2008), melo no te Pŭpŭ no te Tino Ahuru Ma Piti Aposetolo i taua taime ra, i haamaitai i te fenua Heleni no te pororaa evanelia. Mai taua taime ra e rave rahi mau ohipa i tupu o tei tauturu i te tupuraa i te rahi o te Ekalesia, mai te nene‘iraa o te Buka a Moromona i te matahiti 1987 na roto i te reo Heleni, te faati‘araa i te misioni no Ateno Heleni i te matahiti 1990, e te haamaitairaa o te fare pureraa matamua i Heleni i te matahiti 1999.

Rahiraa melo (2009)	661
Mataeinaa	1
Amaa	5

Tau matahiti i ma‘iri a‘e nei, ua riro o Mars Hill, te vahi i horo‘a ai te Aposetolo Paulo i ta’na a‘oraa tei faaitehia i roto i Te Ohipa 17, ei vahi no te mau pureraa iritiraa mana‘o, no te mau ohipa taviniraa, e no te mau faahanahanaraa i te mau taata hi‘oraa maitai no Heleni.