Te tomoraa i roto i te hoê vahi nehenehe

Joanna Velayo-Munda, no Philippines

Hou a riro ai au ei melo no te Ekalesia, te faaea ra vau i piha‘i iho i te hiero no Manila Philippines. I te mau taime atoa e haere au na mua i reira, e faahiahia noa vau i te hanahana e te nehenehe o te reira fare. Aita i ti‘a ia‘u ia ite i te i‘oa o te Ekalesia, tera râ, ua hinaaro vau ia tomo i roto i taua vahi ra.

E rave rahi matahiti i muri mai ua haere au i Hawaii, i reira to‘u farereiraa i te mau misionare e ua bapetizohia vau. I to‘u ho‘iraa i Manila, ua hitimahuta vau i te iteraa e, te fare o ta‘u i faahinaaro noa e tomo i roto, o te fare ïa o ta‘u e nehenehe e tomo i roto mai te mea e, e mea ti‘amâ vau. Ua tupu te oaoa rahi i roto ia‘u.

I to‘u tomoraa i roto i te hiero, ua feruri au e, tei ni‘a rii noa a‘e au i te fenua. E mea nehenehe te mau mea atoa, fatata mai te ra‘i ra te huru. Ua riro to‘u tomoraa i roto i te hiero ei haamaitairaa rahi no‘u.