Te mau Parau Apî Poto no te Ao nei

Ua Faaara te Peresideniraa Area Apî no Europa Hitia o te râ

Ua faaara te Peresideniraa Matamua i te hoê tauiraa i roto i te Peresideniraa Area no Europa Hitia o te Râ, o te haamata i teie nei ihoa. Elder Kevin W. Pearson, Tauturu Matamua i roto i te Peresideniraa Area, ua tonohia ïa i te pu faatereraa o te Ekalesia no te hoê ohipa taa‘e maitai i roto i te Aupŭpŭ Misionare. E vai noa o Elder Wolfgang H. Paul ei Peresideni no te area, e o Elder Gregory A. Schwitzer no te Hitu Ahuru ei Tauturu Matamua e o Elder Alexsandr N. Manzhos, Hitu Ahuru Area, ei Tauturu Piti.

Ua ma‘itihia te vahi ti‘araa no te Hiero no Philadelphia Pennsylvania

I te ava‘e novema 2009 ua faaara te Peresideniraa Matamua e, e faati‘ahia te hiero no Philadelphia Pennsylvania i te 1739 Vine Street i roto i te oire no Philadelphia. Tei piha‘i iho taua vahi ra i te Vine Street Expressway e i te Fare Haavaraa e haere opea i te tahi pae o te purumu i Logan Square, te hoê vahi faufaa roa i Philadelphia. Ua faaara te Peresideni Thomas S. Monson i te reira hiero i te ava‘e atopa 2008 I teie mahana, te vai nei 130 hiero e ohipa nei na te ao nei, e te vai ra e 21 i faaarahia e aore ra, te patuhia nei.

Faaararaa no te mau Tai‘o Mahana no te Hiero no Vancouver

E tupu te opani iriti o te Hiero no Vancouver British Columbia mai te 9 e tae atu i te 24 no eperera 2010, eiaha râ i te mau Sabati, e e faatupuhia te hoê aru‘i ha‘utiraa hiroa tumu i te 1 no me. E tupu te haamaitairaa i roto e toru tuhaa pureraa i te Sabati 2 no me i te hora 9; hora 12, e hora 3. E haapurorohia na tuhaa pureraa e toru i roto i te mau fare pureraa atoa a te Ekalesia i roto i te reira mataeinaa hiero. E matara te hiero no te mau oro‘a ia poipoi a‘e.