Te parau no te hiero
Hiero no Manila Philippines
Na te peresideni Gordon B. Hinckley (1910–2008) i haamaitai i te hiero no Manila Philippines i te ava‘e setepa 1984. E ono oeoeraa to te reira fare, to’na rapaeraa hamanihia i te carreaux uouo anaana, e ua haatihia oia i te mau tumu haari nehenehe e te uru raau rau.
Ua ravehia te opani iriti o te hiero i muri noa a‘e i te ta‘iri-raa-hia te fenua Philipino i na e piti mata‘i rorofa‘i. Noa’tu te mau vero, ua faaterehia te mau ohipa mai tei opuahia. I te 3 no setepa 1984, ua faatupuhia te tere mata‘ita‘i no te mau huimana o te fenua. I nanahi a‘e, a iritihia ai te hiero i te mau taata atoa, « ua tupu te hoê ohipa nehenehe roa no te ra‘i mai i ni‘a i te hiero », te na reira ra o Jovencio Ilagan, te papa‘i parau faatere o te tomite paturaa o te hiero. « ‘Ua hiti mai te mahana ma te anaana mai te au i te hoê hei ua rau te û. … I te hoê taime, ua itehia te tii o te melahi Moroni i ropu i taua hei ra. Fatata hoê hanere taata i rapae i te hiero o tei ite i taua ohipa ra. E rave rahi o ratou tei tahe te roimata ».1
Te hiero no Manila Philippines te hiero matamua i patuhia i Philipino. Ua haamata te paturaa o te piti o te hiero i taua fenua ra i te matahiti 2007 i Cebu City.