Te mau faata‘i piana no te Paraimere
« Aita ! »
« Eaha tena, e faaooo ! »
« Eita roa’tu te reira e tupu ! »
Tera te mau parau ta Andrea, Erick, Kristofer, Suzett, e o Yuridia no Provo, Utah, e parau ahani e, e parau outou ia ratou e, na ratou e hauti i te piana no te faanahonahoraa a te Paraimere i roto i te pureraa oro‘a. Hoê ana‘e o ratou tei hauti a‘e nei i te piana na mua a‘e nei !
Tera râ, ua horo‘a to ratou faata‘i piana no te Paraimere, te tuahine Perry, i te titauraa ia ratou—e ua farii ratou.
Hoê taime i te hepetoma, e faatere te tuahine Perry i te hoê haapiiraa faata‘i piana na ratou tata‘itahi, maori râ, hoê te vai ra ihoa to’na orometua haapii. I te fare e haapii ratou i ni‘a i te hoê piana uira. Aita i maoro ua haapii ratou i te faata‘i i te mau himene faaohiehia te mau nota no te faanahonahoraa a te paraimere i roto i te pureraa oro‘a. E haapiipii atoa ratou i roto i te Paraimere a himene ai te mau tamarii.
E inaha, ua tae maira te mahana rahi. E hauti te tamarii tata‘itahi hoê e aore râ, e piti himene. Ua mata‘u anei ratou i te hautiraa i mua i te paroita taatoa ? Oia mau roa ! Aita râ te reira i tape‘a ia ratou.
« Ua ri‘ari‘a mau vau », te parau ïa a Kristofer, « tera râ ua tape‘a noa vau i to‘u faaroo ».
Mauruuru no to ratou faaroo e te ohipa itoito, ua hauti maitai ratou i taua mahana ra. E te ohipa maitai a‘e no te reira ?
« E mea au roa ia tauturu i roto i te ekalesia », ta Andrea ïa i parau. « E haamaitairaa rahi roa te reira no‘u nei ».
I teie nei e nehenehe te mau tamarii e hauti i roto i te pô utuafare, i te bapetizoraa, e ia himene to ratou utuafare i roto i te pureraa oro‘a. Mea faahiahia !»
Hoho‘a na Christina Smith