Te mau papa‘iraa mo‘a to‘u ïa tutau

Giccelly D., Venezuela

I to‘u haamataraa i te séminaire ei melo apî no te Ekalesia, aita vau i feruri noa a‘e e, e riro te mau papa‘iraa mo‘a ei tutau no‘u, ei paruru e ei tia‘i nou, to‘u tamahanahana e to‘u oaoa. Na roto i te mau papa‘iraa mo‘a ua ite au i te mau taata itoito no te Atua tei aro no to ratou ti‘aturiraa e to ratou mau utuafare, e tei haere noa i mua, ma te papû e te aueue ore i roto i te Mesia. E mau taata haehaa, te faaoroma‘i e te î i te here, te aroha e te faaroo. Ua ite au e, ua hinaaro to ratou aau ia haapa‘o tatou i teie mahana i te mau parau tumu atoa i haapiihia i roto i te mau papa‘iraa mo‘a.

Ua putapû roa to‘u aau i mua i teie mau aito o te papa‘iraa, te aito râ ta‘u i faahiahia roa o te hoê ïa o ratou o tei vai haehaa noa e te haapa‘o mai to’na tamariiraa mai â, tei faaite i te hi‘oraa maitai hope roa, hoê o ta te mau taata atoa i tarahu. Taua taata ra o Iesu Mesia ïa. Aita ta‘u e parau no te faaite i to‘u mauruuru Ia’na.

Ua haapii mai te séminaire ia‘u e, eiaha tatou haaputu noa i te papa‘iraa mo‘a i roto i to tatou upoo, e faaohipa râ i roto i to tatou oraraa. Te haamauruuru nei au i to‘u mau orometua haapii maitai tata‘itahi, tei riro mau ei mauhaa i roto i te rima o te Fatu.