Sa Papatisoina Iesu

Saunia e Erin Sanderson ma Jean Bingham

E alala tusitala i Iuta, ISA.

Aoao faatasi e uiga i le Feagaiga Fou i le tausaga lenei!

Mata e faapei le matamata i le papatisoina o Iesu? Ua ta‘u mai e le Feagaiga Fou ia i tatou le mea na tupu i lena aso paia.

“Ona maliu atu ai lea o Iesu mai Kalilaia i Ioritana ia Ioane, ia papatisoina ai e ia.

“Ua papatisoina Iesu, ona maliu ae loa lea o ia nai le vai: faauta foi, ua faaavanoaina le lagi ia te ia, ua ia iloa atu foi le Agaga o le Atua ua afio ifo e peiseai o se lupe, ua oo i ona luga:

“Faauta foi o le siufofoga mai le lagi, ua faapea mai, O lo‘u Atalii pele lena, ua ou fiafia lava ia te ia” (Mataio 3:13, 16–17).

I le aso faapitoa pe a e papatiso ma faamauina, ua e mulimuli ia Iesu Keriso. E avea oe e faapei o se tagata fou—e te folafola atu e manatua pea ma mulimuli ia Iesu Keriso, e avea oe ma se tagata o Lana Ekalesia, e te mauaina le meaalofa o le Agaga Paia, ma ua e mama atoatoa. E matuai fiafia le Tama Faalelagi ia te oe. O le papatisoga e matala ai le faitotoa i le ala e taitai atu ai i tatou e toe foi atu i le Tama Faalelagi.

Fesili i Tusitusiga Paia

Oti ese upu laiti o loo i le lalo, ma tuu i totonu o se apa. Ia auauai e filifili ni fesili ma faaaoga ia tusitusiga paia e tali ai.

O ai na papatisoina Iesu? (Mataio 3:13)
Aisea na manao ai Iesu e papatiso? (Mataio 3:15; 2 Nifae 31:7, 9)
Aisea e tatau ai ona tatou papatiso? (Ioane 3:5)
O le a le mea na tupu ina ua faatoa uma ona papatiso Iesu? (Mataio 3:16–17)
O le a le uiga o le faatofuina? (MF&F 76:51; Mose 6:64–65)
E faapefea ona tatou maua le meaalofa o le Agaga Paia? (MF&F 33:15)
O le a le mea tatou te folafola atu pe a tatou papatiso? (Mosaea 18:8–13; MF&F 20:37)
O le a le mea e folafola mai e le Tama Faalelagi ia i tatou pe a tatou papatiso? (MF&F 76:52–56)
O a mea e tatau ona tatou faia pe a uma ona tatou papatiso ia mafai ai ona tatou nonofo e faavavau ma le Tama Faalelagi? (2 Nifae 31:18–20)