Autalavou
O Se Suiga o Lou Loto
E alala le tusitala i Fortaleza, Pasila.
Ina ua ou faatoa aoao e uiga i le talalelei toefuataiina a Iesu Keriso, sa ou lagonaina le Agaga o molimau mai i lona moni. E ala i le tatalo, na sili atu ona mautu la‘u molimau, ma sa ou filifili loa e papatiso.
Ina ua mavae lo‘u papatisoga, na amata ona fesili mai ia te au tagata i la’u uarota i o‘u lagona e uiga i le auauna atu i se misiona. Ma le faamaoni, sa ou le iloa lelei le tala e fai atu. Na foliga faavalevalea le manatu o le tuua o lo‘u aiga ma le aoga e fai se misiona.
Ona oo lea i se tasi aso sa ou toe mafaufau e uiga i lo‘u liua. Sa ou manatuaina faifeautalai na aoaoina au, o e na taliina au fesili ma le onosai ma fesoasoani ia te au e malamalama i le talalelei. Sa ou iloa ai ana le seanoa le la fesoasoani, semanu ou te le iloaina lava le Ekalesia moni. O le taimi lava na ou maua ai lena malamalama, na faateleina le manao e auauna atu i lo‘u loto. Na mafai ona ou lagonaina le Agaga o faapea mai ia te au e tatau ona ou auauna atu i se misiona talai.
Ou te iloa o le galuega faafaifeautalai o le galuega a lo tatou Tama Faalelagi ma e mafai ona tatou fesoasoani e aumai agaga i le malamalama matagofie o le talalelei toefuataiina.