O La Tatou Avanoa

Faasoa Atu o le Vaaiga ma le Tusi a Mamona

A o ou auauna atu o se faifeautalai i se nuu laitiiti i Uelese, sa ma talai tui’itu’i ma la‘u soa i se magaala e tau atu i le tasi o le mau mauga e i ai iina. Sa o se aso mafanafana o le taumafanafana. Ina ua ma taunuu i le pito i luga o le mauga, sa matagofie le vaaiga, o lea na ma filifili ai ma la‘u soa e fai sina koma puupuu ma matamata i le vaaiga [mai le mauga] ma saili sina faasiligamalosi.

A o o’u aumaia i fafo mai la’u ato faafafa se moliaina, sa ou iloa atu se tamaitai Saina o savali mai i luga o le mauga. Ou te le iloa pe aisea, ae na ou talotalo atu ia te ia. Sa talotalo fiafia mai o ia ma savali mai ma nofo i o ma talane. Na amata ona matou talanoa, ma sa ia fai mai, na sau i le mauga e fiafia i le vaaiga aua e faamanatu atu ai ia te ia le Atua ma Lona alofa mo ia. Sa ia fai mai, o ia sa sauni e toe foi atu i Saina ae maua mai loa ma se galuega i Uelese. Sa ia taliaina, ma le talitonu na saunia e le Atua lenei galuega mo se mafuaaga na te le‘i iloaina.

E le’i leva ona uma lenei feiloaiga muamua, ae amata loa ona ma aoaoina o ia i le maota o se tagata fou liliu mai, ma matou fefaasoaa’i faatasi i le tele o aafiaga faaleagaga. O se tasi o ia aafiaga faaleagaga e sili ona ou faatauaina. Sa ma tuuina atu ia te ia se kopi Faasaina o le Tusi a Mamona lea sa tusia ai i le pito i luma a ma’ua molimau. Sa matua malosi le Agaga o lea na amata ai ona tagi o ia.

E lei leva, ae ou siitia atu i se isi eria. Paga lea, e le mafai ona ou toe foi atu i lena eria mo lona papatisoga, ae o le a faamalosia ai lava a’u e toe mafaufau i le matou feiloaiga muamua i le tumutumu o se mauga maualuga.

Jurek Bäder, Siamani

Faatasi e Faavavau

“E Mafai na faavavau aiga i le ala a le Tama” (“E Mafai Ona Faavavau Aiga,” Viiga, nu. 183). Ou te fiafia i lenei pese Peraimeri, lea o loo aoao mai ai e mafai ona faamauina aiga mo le faavavau. Sa ou tatalo ia mafai ona moni lenei mea mo lo‘u aiga, ae maise lava ina ua maliu lo’u tama.

Lata mai nei lava na tali mai ai le Alii i la‘u tatalo. Na mafai e lo‘u tina, o’u tuagane e toalua, ma a’u ona matou malaga atu i le Malumalu o Manila Filipaina ina ia faamauina faatasi i lo‘u tama. O le taimi muamua lea ua matou i ai faatasi uma i le malumalu, ma ou te manatua pea le fiafia sa ou vaaia i foliga o lo‘u tina ma o’u tuagane. Sa i ai iina se lagona maoae o le olioli.

Ou te iloa o le malumalu o le maota o le Alii, ma o i latou o loo i totonu o le malumalu ua i ai le pule tatau e faatino ai sauniga paia. Ou te matua faafetai lava ona e ala atu i nei sauniga, o le a mafai ai e lo‘u aiga ona toe faatasi ma lo’u tama. Talu ona matou o atu i le malumalu, o loo matou taumafai pea ia avea ma se aiga malosi atili, ma faia mea uma matou te mafaia e tausia a matou feagaiga ina ia mafai ona matou faatasi e faavavau.

Crisanto Coloma, Filipaina