Folafolaga Faaperofeta

Faaaliga

“‘Ua faaauau pea ona tuuina mai faaaliga i le Ekalesia; o loo mauaina e le perofeta mo le Ekalesia; ae o le peresitene mo lana siteki, lana misiona, po o lana korama; o loo maua e le epikopo mo lana uarota; o loo maua e le tama [ma le tina mo lo laua] aiga; faapea foi ona maua e tagata taitoatasi mo ia lava.’¹

“Ou te tuuina atu la‘u molimau e moni. …

“E sasaa mai e le Alii faaaliga, e ala i le Agaga Paia, i luga o Ana fanau. E fetalai o Ia i Lana perofeta i le fogaeleeele, i le taimi nei o Thomas S. Monson. Ou te molimau atu o loo ia umiaina ma faaaogaina ki uma o le perisitua i le lalolagi.”

Peresitene Henry B. Eyring, Fesoasoani Muamua i le Au Peresitene Sili, “Faaaliga Faifai Pea,” Liahona, Nov. 2014, 70, 73.

Faamatalaga

1. Boyd K. Packer, “Matou te Talitonu i mea Uma Ua faaalia Mai e le Atua,” Ensign, Me 1974, 95.