Tuuina Atu e Iuliana se Lauga

Saunia e Jane McBride Choate

E faavae i se tala moni

Sa fai si fefe laitiiti o Iuliana e tuuina atu se lauga i le Peraimeri.

Na fusi mai e Tinamatua ia Iuliana. “O le a fesoasoani le Tama Faalelagi ia te oe,” o lana musumusu lea.

Ina ua oo i lona taimi, sa vaaia e Iuliana le tau fai ataata atu o ana uo, lona faiaoga, ma Tinamatua ma Tamamatua ia te ia. Ona ia faia ai lea o lana lauga.

“O a’u o se afafine o le Atua. Ou te faaalia ou te alofa i le Tama Faalelagi e ala i le aoao e uiga ia Iesu, fai a’u tatalo, ma fesoasoani i lo’u aiga. Ou te iloa e alolofa foi le Tama Faalelagi ma Iesu ia te au. I le suafa o Iesu Keriso, amene.”

Ina ua uma le Peraimeri, sa tuuina atu e Iuliana se opo lapoa ia Tinamatua. “Sa ou le fefe,” sa ia fai mai ai. “Sa ou iloa sa fesoasoani mai le Tama Faalelagi ia te au.”