Pangako ng Propeta

Mga Pagpapala ng Langit

“Marahil sa [mga panahon ng paghihirap] ay naitatanong natin sa ating sarili, ‘Talaga bang kailangan nating sundin ang lahat ng mga utos ng Diyos?’

“Simple lang ang sagot ko sa tanong na ito:

“Palagay ko may alam ang Diyos na hindi natin alam—mga bagay na hindi natin kayang maunawaan! Ang ating Ama sa Langit ay walang-hanggang nilalang na ang karanasan, karunungan at katalinuhan ay tunay na higit kaysa sa atin. [Tingnan sa Isaias 55:9.] …

“Bahagi ng hamon sa atin, palagay ko, ay iniisip natin na lahat ng biyaya ng Diyos ay nakalagak sa isang malaking ulap sa langit, at hindi ito ibibigay sa atin maliban sa mahigpit na pagsunod sa mga itinakda Niyang gawin natin. Ngunit hindi ganyan ang mga kautusan. Sa katunayan, ang Ama sa Langit ay palaging nagbubuhos sa atin ng mga pagpapala. Ang ating takot, pagdududa, at kasalanan, ay parang payong na sinasangga ang pagbagsak ng mga pagpapalang ito sa atin.

“Ang Kanyang mga utos ay ang magiliw na mga tagubilin at banal na tulong para isara ang payong upang matanggap natin ang pagbuhos ng mga pagpapala ng langit.”

Pangulong Dieter F. Uchtdorf, Pangalawang Tagapayo sa Unang Panguluhan, “Masayang Ipinamumuhay ang Ebanghelyo,” Liahona, Nob. 2014, 121–22.