ក្លឹបអាន ព្រះគម្ពីរមរមន
សូមចូលរួម តាមរយៈការអានព្រះគម្ពីរមរមន ! អ្នកអាចអានដោយខ្លួនឯង ជាមួយក្រុមគ្រួសាររបស់អ្នក ឬជាមួយមិត្តភក្តិ ។ បន្ទាប់មក សូមផ្ញើរូបថតមួយដែលអ្នកកំពុងអានព្រះគម្ពីរមរមន ហើយប្រាប់យើងអំពីអ្វីដែលអ្នកបានរៀន ឬខគម្ពីរដែលអ្នកចូលចិត្តមកពីព្រះគម្ពីរមរមន ។ សូមផ្ញើវាតាមរយៈគេហទំព័រ liahona.lds.org ( សូមចុចលើ « Submit an Article » ) ។
បទគម្ពីរសម្រាប់ខែនេះ ៖ មរ៉ូណៃ ១០:៤
« … បើសិនជាអ្នករាល់គ្នា សូមសួរដោយចិត្តស្មោះសរ គឺដោយស្មោះអស់ពីចិត្ត ដោយមានសេចក្ដីជំនឿជឿដល់ព្រះគ្រីស្ទ នោះទ្រង់នឹងសម្ដែងសេចក្ដីពិតនៃការណ៍នេះដល់អ្នក ដោយព្រះចេស្ដានៃព្រះវិញ្ញាណបរិសុទ្ធ » ។
រឿងដែលខ្ញុំពេញចិត្តនៅក្នុងព្រះគម្ពីរមរមនគឺនៅក្នុង នីហ្វៃទី ៣ ១៧ វាជារឿងអំពីព្រះយេស៊ូវប្រសិទ្ធពរដល់កុមារ ។ ខ្ញុំចូលចិត្តរឿងនេះ ដោយសារវាប្រាប់យើងអំពីសេចក្តីស្រឡាញ់ដ៏ធំធេញដែលព្រះវរបិតាសួគ៌មានចំពោះយើង ។ ខ្ញុំអាចឃើញខ្លួនឯងនៅជាមួយក្មេងៗទាំងនោះ ហើយខ្ញុំស្រមៃថា ខ្ញុំកំពុងឈរនៅទីនោះ ។
ប៉ាបូរ៉ា ជេ អាយុ ១១ ឆ្នាំ សាធារណៈរដ្ឋឆែក
ខ្ញុំស្រឡាញ់ព្រះគម្ពីរមរមន ដោយសារវាជាព្រះគម្ពីរពិត ។ វាត្រូវបានសរសេរឡើងដោយពួកព្យាការី ។ វាជួយខ្ញុំឲ្យជ្រើសរើសត្រឹមត្រូវ ហើយនៅពេលខ្ញុំមានបញ្ហា វាបានជួយខ្ញុំ ។ ខ្ញុំជឿលើព្រះគម្ពីរនេះ ។
ចាសុន អេស អាយុ ១០ ឆ្នាំ ទីក្រុងម៉ាហារ៉ាត្រា ប្រទេសឥណ្ឌា