កន្លែងដែលប្រាក់ដង្វាយមួយភាគក្នុងដប់ត្រូវបានប្រើប្រាស់

តើមានអ្វីកើតឡើងចំពោះប្រាក់ដង្វាយមួយភាគក្នុងដប់ដែលអ្នកបានថ្វាយនោះ ?

អ្នករកប្រាក់ ។
អ្នកបានបរិច្ចាគ ១០ ភាគរយនៃប្រាក់ចំណូលរបស់អ្នកសម្រាប់ដង្វាយមួយភាគក្នុងដប់ ( សូមមើល គ. និង ស. ១១៩ ) ។
អ្នកឲ្យដង្វាយមួយភាគក្នុងដប់ឲ្យទៅកាន់សមាជិកម្នាក់ក្នុងគណៈប៊ីស្សព ឬគណៈប្រធានសាខារបស់អ្នក ឬផ្ញើវាតាមអ៊ិនធើរណែតទៅកាន់ donations.lds.org ។
នៅឯទីស្នាក់ការកណ្តាលរបស់សាសនាចក្រ
គណៈប្រធានទីមួយ កូរ៉ុមនៃពួកសាវកដប់ពីរនាក់ និងគណៈប៊ីស្សពជាអធិបតី គឺជាក្រុមប្រឹក្សារៀបចំដង្វាយមួយភាគក្នុងដប់ ( សូមមើល គ. និង ស. ១២០ ) ។ ដូចបានណែនាំដោយព្រះអម្ចាស់ ពួកលោកធ្វើការសម្រេចចិត្តដោយការបំផុសគំនិតស្តីពីរបៀបដែលមូលនិធិដង្វាយមួយភាគក្នុងដប់ដ៏ពិសិដ្ឋទាំងនេះនឹងត្រូវបានប្រើប្រាស់ ។

ដង្វាយមួយភាគក្នុងដប់ត្រូវបានប្រើប្រាស់ដើម្បី ៖

ការសាងសង់ និងការថែទាំព្រះវិហារបរិសុទ្ធ អគារព្រះវិហារ និងអគារដទៃទៀតដែលសាសនាចក្រមាន
ដំណើរការកម្មវិធីអប់រំសាសនាចក្រ
បោះពុម្ពព្រះគម្ពីរ និងឯកសារដទៃទៀត
ធ្វើការស្រាវជ្រាវពង្សប្រវត្តិ
ការផ្តល់ដល់កិច្ចខិតខំនៃសុខុមាលភាព និងសប្បុរសធម៌
ធ្វើកិច្ចការផ្សព្វផ្សាយសាសនា
ការផ្តល់ដល់សកម្មភាពនានានៃសាសនាចក្រសម្រាប់ការរាប់អាននៅក្នុងចំណោមសមាជិកវួដ និងសាខា

រចនារូបភាពដោយ ដេវីឌ ហ្គ្រីន