2023
Jeļā Āinwōt Kraist
Māe 2023
11:17

Jeļā Āinwōt Kraist

Jān Elder Mark A. Bragg

Jān Jiljilimjuonn̄oul eo

“Im Ej jerkak, im kauwe kōto, im ba n̄an lom̧aļo, Kwōn jab m̧akūtkūt, kwōn lur. Im kōto e jako, im eļap lur” (Mark 4:39).

Iien eo āliktata me iaar kōnono ilo kweilo̧k eo eļap, ļaddik eo nej nejū Ryan ekar kwaļo̧k n̄an n̄a juon tweet me ekar ba, “M̧ool? Etan armej in ej Bragg”—meļeļein “kōmjāje”—“im ejjab kōnono kōn ettā? Ejjeļo̧k tokjen!” Buromōj eo in ke, inepata eo eaar wōnmaanlok wōt.

Don Bragg ke ekar juon rikkure basketball.

Jema ekar juon ribasket ilo All-American n̄an UCLA ium̧win tōl eo an Coach John Wooden. Raar m̧ōttā ilo aolepen mour eo an jema, im jet iien Coach im Mrs. Wooden rekōn kijon̄ itok n̄an m̧weeo in kōjota. Ekōn kijon̄ m̧ōņōņō in kōnono kōn basketball ibba im kōn men ko jet ij ļōmņaki. N̄e ij kajjitōk ippān ta kapilōk eo an n̄an n̄a ke iaar deļo̧n̄e iiō eo aō āliktata ilo high school. Aolep iien an rūkaki, ej ba, “Jem̧ōm̧ eaar ba n̄a ke em̧ōj am̧ kobaļo̧k ilo Kabun̄ eo an Jisōs Kraist, kōn menin ijeļā ewōr am̧ tōmak ilo Irooj. Kōn tōmak in kwon lukkuun jeļā aolep men. Kwoj juon armej em̧m̧an ilo iien lan̄.”

Ilowaan iiō ko, kōnono in ekar pen ippa. Kapilōk in eletok aenōm̧m̧an, em̧m̧an, im aolep jekjek ko, eļaptata ilo iien kapo im inepata, ko rej iooktok eō. Iaar maron̄ lo an tiim eo an Coach Wooden ikkure kōn jeļā im tōpar eļap bwe ren wiini 10 national championship ko.

Ak jeļā in rejjab kōnono kake raan kein im dik kōjerbale im ejjeļo̧k jerbal ippān doon. Ekkā kōnono kōn ikkure—juon rikkure eo ejeļā ej kōjerbal jeļā eo ilo iien ikkure, ak juon tiim eo ejjab ikkure kōn jeļā renaaj luuj. Ak kapeel in aorōk emūlaļ ļo̧k wōt jen ikkure ko. Jeļā eļap an depakpak meļelein ilo mour in im emaron̄ kōjeraam̧m̧an ro pāāren ro, ritōl ro, mijenede ro, rūkaki ro, rijikuuļ ro, im aolep ro rej jelm̧ae lan̄ ko an mour in.

Jetōbin jeļā ej kōjeraam̧m̧an kōj n̄an pād wōt im mije wōt ta ko raorōk eļaptata n̄e jej inepata. Būreejtōn Hugh B. Brown ekar katakin, “Tōmak ilo Anij kōn anjo̧ eo ejim̧we, ej letok jeļā eo ilo ļōmņak im ilo jetōb eo jelm̧ae men ko reppen.”1

Būreejtōn Russell M. Nelson ej juon waanjon̄ak em̧m̧an kōn jetōbin jeļā. Juon iien, iien ko ke ekar juon Dr. Nelson ekar kōm̧m̧an menono eo an armej eo, eaar m̧ōkaj an toor bōtōktōkin rinan̄inmej eo. Dr. Nelson eaar jokne ilo jekjek eo im kar jeļā bwe juon clamp kar kōm̧akūti jen juon iaan rijerbal ro. Raar m̧ōkaj in bōk jikin, im Dr. Nelson ekar kaeņōm̧m̧an eo uwaan tiim eo, ilo an ba, “Ij iakwe wōt eok, innām ekar kōm̧m̧an kōjak, “Jet iien eļapļo̧k aō iakwe eok jen iien ko jet!” Eaar kwaļo̧k kilen jerbale juon idin̄—kōn jeļā, mije wōt ta ko raorōk—jerbale wōt idin̄ eo. Būreejtōn Nelson eaar ba: “Ej kōn Kōm̧m̧an an juon eļap an aorōk. Kōņaan eo am̧ ej, ‘m̧ōkaj in etal! Ikōņaan ro̧o̧l n̄an m̧weeo.’ Kwojjab maron̄. Mour ej lukkuun pedped ioon aolepen tiim in m̧wijm̧wij eo. Kōn menin kwoj aikuj pād wōt im kakkije im bar ekkatak.”2

Aaet, Rilo̧mo̧o̧r ej waanjon̄ak in jeļā eo ejjeļo̧k jem̧ļo̧kin.

Ilo Jikin Kallib Getsamane, kōn metak, āinwōt “menokadu āinwōt eḷap pilin̄lin̄ in bōtōktōk,”3 An jeļā kōn ennaan in eļam waan “Kwōn bōkḷọk kab in jān Eō; a en jab ankil Aō a Aṃ wōt.”4 Ium̧win juon karōk eļap n̄an letok lo̧mo̧o̧r n̄an aolep armej, Jisōs eaar kwaļo̧k jilu jekjek ko raorōk me ejipan̄ kōj meļeļe An jeļā eļap. M̧oktata, E ejeļā wōn E im m̧ool eo n̄an mijen eo An ekwojarjar. Tokālik, E ejeļā bwe ewōr juon karōk in m̧ōņōņō eļap. Im āliktata, E ekar jeļā bwe kōn Pinmuur eo An ekwojarjar, aolep ro rej tiljek rej bōk ioer make E n̄an kōm̧m̧ani im kōjparok bujen ko rekwojarjar raar būki jen kain̄i ko an priesthood naaj lo lo̧mo̧o̧r, āinwōt an kar lukkuun em̧m̧an an kar Elder Renlund katakin rainin.

N̄an keidi oktak ko ikōtaan luji im dāpij jeļā eo, ļōmņak kōn ta eo ekar waļo̧k āinwōt an Kraist im Rijilōk ro An kar etal jen jikin Kallib Getsemane. Ke ritariņae ro raar kappukot n̄an kalbuuji Jisōs, Piter eaar luji jeļā eo an im kar m̧wijit lo̧jiln̄in rikarejeran pris eo eļap, Malkōs. En̄jake eo an Jisōs Kraist, ilo tūrājet eo juon, ej n̄an kwaļo̧k An jeļā im n̄an bōktok aenōm̧m̧an ilo jekjek eo n̄an kōmour Malkōs.5

Im n̄an kōj ro jej apan̄ n̄an dāpij jeļā eo ad n̄an dāpij ad illu, ļōmņak in lale bwebwenato eo an Piter. Ālkin jidik iien menin eaar waļo̧k ilo iien eo eaar kaarmejete an jeļā kōn Kraist,6 Piter eaar jutak im̧aan ritōl ro an kabun̄ me raar kakkure Rilo̧mo̧o̧r, im kōn jeļā eļap kōn kajjitōk ko kar kajjitōkin kōn kam̧ool eo ekwojarjar kōn Jisōs Kraist.7

Jeļā Wōn Kwe im M̧ool n̄an Paoktok eo Am̧ Ekwojarjar

Jen ļōmņak jekjek ko in m̧wil āinwōt Kraist. N̄an jinoe, jeļā wōn kōj im m̧ool n̄an paoktok eo ad ekwojarjar je bōktok aenōm̧m̧an. Jeļā m̧wiļ āinwōt ej kabōjrak ad keidi kōj make n̄an ro jet ak katen wōt n̄e ariin ro jet.8 Rikanaan Josep Smith ekar kwaļo̧k, “Eļan̄n̄e armej rejjab meļeļe kadkad eo an Anij, rejjab maron̄ meļeļe kadkad eo aer make”9 Ejjab em̧m̧an n̄an bōk jeļā eo ekwojarjar ijjeļo̧kin ad jeļā jej ļaddik im leddik ro rekwojarjar nejin Jemedwōj Ilan̄ eo ej iakwe.

Ilo kōnono eo an “Kāālet ko n̄an Indeeo,” Būreejtōn Nelson ekar kwaļo̧k m̧ool kein kōn wōn kōj: jej ajri ro nejin Anij, jej ajri in bujen ro, im jej rikaļooraņ Kraist. Innām eaar kallim̧uri kōj, “Ilo am̧ atbo̧kwoji m̧ool kein , Jemedwōj Ilan̄ enaaj jipan̄ eok tōpar kōttōpar eo am̧ ejjeļo̧k jem̧ļo̧kin kōn mour indeeo ilo Im̧aan mejen.”10 Em̧ool jej armej jetōb ro rekwojarjar n̄an bōk juon kanniōk. Jeļā wōn kōj im m̧ooļ n̄an paoktok eo ad ekwojarjar rej pedped eo n̄an kōļapļo̧k jeļā kōn m̧wil āinwōt Kraist.

Jeļā Bwe Ewōr juon Karōk Ekwojarjar

Eo tok juon, keememej bwe ewōr juon karōk ej letok peran im jeļā jelm̧ae apan̄ ko. Nipai eaar “ilo̧k im kōm̧m̧ani”11 āinwōt an kar Irooj kean̄ “jab jeļā m̧okta”12 men ko in kar kōm̧m̧ani kōnke eaar jeļā bwe e enaaj tōl jen Jetōb, n̄an kakūrm̧ool karōk eo indeeo an Jemedwōj Ilan̄ eo ej iakwe. Jeļā ej itok n̄e jej lo men ko an indeeo. Irooj eaar jiron̄ rijilōk ro An “Koṃwin reiḷo̧k”13 im n̄an “kejakļo̧kjeņ ko rem̧wilaļ an indeeo ren pād ilo ļōmņak ko ami.”14 N̄an kajekdo̧o̧ņ iien apan̄ ko kōn juon karōk indeeo, inepata ej itok kōn iakwe, jerbal, katakin, im kōjeraam̧m̧an. Juon jeļā kōn m̧wil āinwōt Kraist indeeo.

Kajoor kōn maron̄ eo an Jisōs Kraist im Pinmuur eo an.

Im āliktata, kajoor eo an Kraist, ej kapidodoik bwe pinmuur in en̄taan eo An, en letok n̄an kōj kajoor n̄an niknik im anjo̧. Kōņ wōt Jisōs Kraist jemaron̄ bujen ippān im n̄an kajoorļo̧k ilo kōjparok bujen in. Jemaron̄ dāpdep ilo m̧ōņōņō eo an Rilo̧mo̧o̧r im jokne, jekdo̧o̧n jekjek rot ko ad.15 Alma jebta 7 ej kwaļo̧k kajoor eo an Kraist. Ilo kakkobaba n̄an lo̧mo̧o̧ren kōj jān jerawiwi, Rilo̧mo̧o̧r emaron̄ kōkajoorļo̧k kōj ilo m̧ōjņo̧ ko ad, mijak ko, im apan̄ ko ilo mour in.

Ilo ad mije wōt Kraist, jemaron̄ kaenōm̧m̧an mijak ko ad, āinwōt kar armej ro an Alma ilo Helam.16 Ke juon jarlepju in ritariņae ro rekar aiindoon, rijilōk ro retiljek an Kraist raar kōjerbal jeļā. Elder David A. Bednar eaar katakin: “Alma ekar kapilōk ritōmak ro n̄an keememej Irooj im E wōt emaron̄ kōrōļo̧ke (lale 2 Nipai 2:8). Im jeļā eo kōn kōjparok eo an Rilo̧mo̧o̧r ej kōm̧m̧an bwe armej ren kaenōm̧m̧an mijak ko aer make.”17 Waanjon̄ak eo an jeļā.

Em̧m̧aan eo Eļap ilo juon Lan̄

Noa eaar katakin kōj kōn kijenmej ilo lan̄, bwe Rilo̧mo̧o̧r ekar rūkaki eo eļap n̄an diput juon lan̄. E ej em̧m̧aan eo eļap ilo juon lan̄. Ālkin juon raan in kwaļo̧k eaetok ippān Rijilōk ro An, Rilo̧mo̧o̧r eaar aikuj jidik kakkije im ekar ba bwe ren etal ilo juon wa n̄an jikin eo juon ilo Lom̧aļo in Galilee. Ke Rilo̧mo̧o̧r eaar kakkije, juon lan̄ eaar waļo̧k Ke kōto im ņo ko rekar kamijak wa eo bwe en tum̧laļļo̧k, Rijilōk ro raar jino mijak kōn mour ko aer. Im keememej, jet iaar Rijilōk ro raar rieo̧n̄ōd ro raar lukkuun jeļā katu kōn lan̄ ko ioon dān! Aaet, raar mijak,18 raar karuj Irooj im kar ba, “[Irooj], Kwō jab ḷōmṇak kōn am jako ke?” “Im, kōn jeļā eo, an Rilo̧mo̧o̧r eaar “jerkak, im kauwe kōto, im ba n̄an lom̧aļo, Kwōn jab m̧akūtkūt, im kwōn lur. Im ekar jako an ekkōtoto, im eļap … lur.”19

Innām ej juon katak eļap n̄an jeļā n̄an Rikaļoor ro An. E ej kajjitōk, “Etke kom̧ij lōļn̄o̧n̄ im āinwōt? Kom̧ jan̄in tōmak ke?”20 E eaar kakeememej er bwe E ej Rilo̧mo̧o̧r eo an laļ, im bwe E kar jilkintok jān Jemān n̄an bōktok mour jab wabanban im mour indeeo an ajri ro nejin Anij. Em̧ool, Nejin Anij eban jako ioon juon wa. An jeļā ekwojarjar kōnke Eaar jeļā kōn An kwojarjar im Eaar jeļā bwe ewōr juon karōk in lo̧mo̧o̧r im mour ijo eutiejtata im jon̄an An aorōk Pinmuur eo An enaaj indeeo ilo karōk in.

Ilo Kraist im Pinmuur eo An bwe aolep men rem̧m̧an rej itok n̄an mour ko ad. Ilo ad keememej wōn kōj, jeļā bwe ewōr juon karōk in tūriam̧o ekwojarjar, im kepaakļo̧k peran kōn kajoor ilo Irooj, jemaron̄ kōm̧m̧an men otemjeļo̧k. Jenaaj lo jokne. Jenaaj kōrā im em̧m̧aan ro rem̧m̧an ilo jabdewōt ļan̄.

Kōm̧m̧an bwe jen kappukot kōjeraam̧m̧an ko n̄an bōk m̧wiļ āinwōt Kraist, ejjab wōt n̄an jipan̄ kōj make ilo iien apan̄ ko ak n̄an kōjeraam̧m̧an ro jet im jipan̄ er diput lan̄ ko ilo mour ko aer. Ilo bon̄on eo m̧okta jen Palm Sunday, ij m̧ōņōņō kam̧ool kōn Jisōs Kraist. Emōj An jerkakpeje. Ij kam̧ool kōn aenōm̧m̧an, lur, im jeļā eo bwe E wōt ej bōktok n̄an mour ko ad ilo etan Jisōs Kraist, amen.

Kakeememej ko

  1. Hugh B. Brown,” in Conference Report, Oct. 1969, 105.

  2. Lale Sheri Dew, Insights from a Prophet’s Life: Russell M. Nelson (2019), 66–67.

  3. Josep Smith Ukook, Luk 22:44 (in Luk 22:44, footnote b).

  4. Luk 22:42.

  5. Lale Luk 22:50–51; Jon 18:10–12.

  6. Lale Matu 26:34–35, 69–75.

  7. Lale Jerbal 4:8–10; Neal A. Maxwell, “Content with the Things Allotted unto Us,” Ensign, Māe 2000, 74; Liaona, July 2000, 89: “N̄e ejim̧we jetōb, juon jeļā emaron̄ itok, men̄e jej jab jeļā ‘jeļā meļeļein aolep men’ [1 Nipaii 11:17].”

  8. Lale John R. Wooden, Wooden on Leadership (2005), 50: “I define poise as being true to oneself, not getting rattled, thrown off, or unbalanced regardless of the circumstance or situation. Emaron̄ pidodo, ak Jeļā maron̄ in kōn m̧wiļ in ilo iien ko reppen. Ritōl ro ejjeļo̧k aer jeļā repād ium̧win illulu.

    “Jeļā meļeļein dāpij wōt tōmak ko am̧ im mour ekkar n̄ani, jekdo̧o̧n jekjek ko renana ak rem̧m̧an. Jeļā meļeļein bōbrae kōmjāje ak kōnbar, keidi kwe make n̄an ro jet, im kōtan wōt n̄e kwe ro jet. Jeļā meļeļein peran ilo aolep men otemjeļo̧k.

  9. Teachings of Presidents of the Church: Joseph Smith (2007), 40.

  10. Russell M. Nelson, “Kāālet ko n̄an Indeeo” worldwide devotional for young adults, May 15, 2022), broadcasts.ChurchofJesusChrist.org.

  11. 1 Nipai 3:7.

  12. 1 Nipai 4:6.

  13. Jon 4:35.

  14. Katak im Bujen Ko 43:34; bar lale James E. Faust, “The Dignity of Self,” Ensign, May 1981, 10: “The dignity of self is greatly enhanced by looking upward in the search for holiness. Āinwōt juon wōjke kileplep, jej aikuj tōpar meram eo. Men eo eaorōktata unjen meram jemaron̄ jeļā ke ej menin letok eo an Jetōb Kwojarjar. Ej unjen kajoor im aenōm̧m̧an.

  15. Lale Russell M. Nelson, “Joy and Spiritual Survival,” Liahona, Nov. 2016, 82: “My dear brothers and sisters, the joy we feel has little to do with the circumstances of our lives and everything to do with the focus of our lives.”

  16. Lale Mosaia 24:27–28.

  17. David A. Bednar, “Therefore They Hushed Their Fears,” Liahona, May 2015, 46–47.

  18. Lale Jeffrey R. Holland, Our Day Star Rising: Exploring the New Testament with Jeffrey R. Holland (2022), 61–62: “Furthermore, these were experienced men on board with Him—eleven of the original Twelve were Galileans (only Judas Iscariot was a Judean). Im jiljino iaer raar rieo̧n̄ōd. Raar jokwe turin lo̧jet. Raar mour kōn ek. Raar rieo̧n̄ōd jen ke raar ajri. Jemeer eaar kōm̧m̧an bwe rekōm̧m̧an ok ioon wa jen ke raar dik wōt. Rejeļā kōn lo̧jet, rejeļā kōn kōto im ņo. Raar em̧m̧aan in imminene—ak raar mijak. Im n̄e raar mijak, ej juon m̧oolin lan̄.”

  19. Lale Mark 4:35–39.

  20. Mark 4:40.