“Būreejtōn Emily Belle Freeman,” Liaona, Māe 2023.
Būreejtōn Emily Belle Freeman
Būreejtōn eo Eutiej an Doulul eo an Jiron̄ ro
Elōn̄ armij remaron̄ jeļā kadede kajjien Emily Belle Freeman āinwōt juon rikōnono, rijeje, rikōnono ilo mejatoto, im rikaki. Bōtaab n̄an ro me rejjab jeļā kajjien—im jekdo̧o̧n ro rejeļā—Būreejtōn Freeman ej kōjatdikdik men eo im̧aan tata rejeļā kōn e ej bwe liin ewōr juon an tōmka em̧wilaļ im ļoor ilo Jisōs Kraist.
“Ej jān en̄jake ko anmake Ippan me ikar itok n̄an jeļā Jemedwōj Ilan̄ im kar itok n̄an en̄jake revelesōn,” Būreejtōn Freeman ekar ba. “Menin ekar jinokjej eo ealikkar ilo mour eo aō—jemjerā eo toon wōt mour Ippān.”
Ke liin ej jino jerbal eo an āinwōt juon rijeje bok im rikōnono mejatoto, liin ekar kajjitōk ippān make ta eo ekōņaan pedped ioon. Uwaak eo kar n̄an kamool kōn Jisōs Kraist im Pinmuur eo an.
Liin ekar lotak ilo Tijem̧ba 31, 1969, ilo Boston, Massachusetts, USA, ke jemen, McKinley McVichie Oswald, ekar jikuuļ ilo Harvard University. Būreejtōn Freeman ekar ba n̄an jinen, Leslie James Oswald, ekar juon iaan kumi kōrā ro “kōn eļap kajoor im eļap iakwe.”
Būreejtōn Freeman, ritto tata iaan jiljiljino ajri ro, ekar rittoļo̧k ilo Sandy, Utah. Mour eo an ekar oktak ke ej kilaaj jon̄oulruo ilo high school ke jinen im jeman rekar bōk kūr n̄a tōl California Ventura Mission. Liin im ro jatin rekar bōk ko̧ņaer ilo aolep kweilo̧k ko an mijen, zone, im stake ippān ro jineer im jemaer. Alkin high school, liin ekar etal jān California n̄an jikuuļ ilo Brigham Young University.
Ke Gregory Garth Freeman, eo ekar jerbal ilo California Ventura Mission, ekar rooļ n̄an m̧weo imōn ilo Bountiful, Utah, ritōl ro an ilo mijen rekar kajjitōk bwe en tōn alooje ledrik eo nejier ilo juon iaan jikin kōnono ko an ilo Utah. Emily im Gregory rekar jino jerā ejjab to ālkin im kar m̧arre ilo Tijem̧ba 1989 ilo Los Angeles California Temple. Ewōr ļalem nejier ajri ro.
Būreejtōn Freeman ekar jeik elōn̄ļo̧k jān jonoulruo bok im kar kōnono ilo elōn̄ kweilo̧k ko, jikin katak ko, im koba ippān doon ko. Liin ekar katakin uimin elōn̄ iiō ko ilo Church Education System eo im kar jerbal āinwōt juon rikaki in Gospel Doctrine im āinwōt juon būreejtōn n̄an Doulul ko an Jiron̄ ro im Doulul eo an Kōrā ro.