Ripoot eo an 2022: Kea kōn Riaikuj Ro

Ripoot eo an Kabun̄ 2022 iiō otemjeļo̧k kōn kea kōn riaikuj ro ej kwaļo̧k bwe jerbal in ekar kobain eļōn̄ļo̧k jān $1 pilien kar kōjerbali, 6.3 milien awa in baļintier ko, im 3,692 humanitarian būroojāāk ko ilo 190 laļ ko im territory ko.

Jāān ko kar etal n̄an jortak in jitlo̧k in jipan̄, kein jipan̄ an humanitarian, im m̧ōn̄ā ko kar ajeeji jān joko ko an bisop im m̧ōn wia ko an Deseret Industries, im jerbal ko āinwōt jikin kallib ko, im̧ōn kōm̧m̧ani m̧ōn̄ā ko,im Family Services ko im jikin kappok jerbal ko.

Jāān in jipan̄ ko reļļap Kabun̄ in ekar liļo̧k ilo 2022 eo ekoba $32 milien n̄an World Foood Programme (WFP) eo im $5 milien n̄an UNICEF global nutriion būrookraam̧ eo, eo ej jipan̄ ajir ro rejabwe ōn.

“Jisōs epidod būruōn n̄an ajri ro,” Būreejtōn eo an Doulul eo an Kōrā ro Camille N. Johnson ekar ba ke menin jipan̄ eo n̄an WFP kar kōjeļļā kake. “E ej jan̄ n̄an lo aer kole. Im E ej lem̧ōņōņō jekdo̧o̧n ilo kijejeto eo edik tata n̄an jipan̄ er.”

Kein jipan̄ ko jet reļļap ekar koba 5.1 milien n̄an American Red Cross (ilo kakobabaļo̧k n̄an 1 milien unit in būtōktōk ko kar jipan̄ļo̧k jān Armej ro Rekwojarjar ilo Raan-ko Āliktata) im bar juon $5 miien n̄an Rotary International n̄an polio im wā ko an rūbōro̧ro im ajri ro.

Kabun̄ in ekar barāinwōt kōm̧m̧ane menin jipan̄ ko an jāān n̄an jipan̄ orļo̧k in oran armej ro raar ļanootot jān jorrāān ko rej make jarjar im jorrāān ko an tariņae. Menin ekar koba jipan̄ n̄an rijipo̧kwe in Ukrain ro; riļaanotot ro an jinami ro ilo Tonga, ro raar jorrāān jān ļan̄ eo ilo Kentucky, Florida, im South Africa, im ro raar jorrāān jān apan̄ ko an kien ilo Democtraic Republic eo an Cango.

“Iakwe im ikdelel eo n̄an jipan̄ eļap n̄an loe,” Julia ekar ba, joun membōr in Kabun̄ in ilo Austria eo ej jipan̄ riipo̧kwe ro ilo jet laļ ko ilo Eastern Europe. “Būruōn armij rekar iookļo̧k doon.”

Kabun̄ in ekar jipan̄ barāinwōt bōkļo̧k jarom n̄an juon jukjuk in pān anRinavajo ilo Utah, im membōr in Kabun̄ in rekar jerbal ippān Sikhs ilo juon jerbal in jipan̄ ilo United Arab Emirates. Armej ro Rekwojarjar ilo Raan-ko Āliktata raar m̧ōttā ippān NAACP ilo būroojāāk in jerbal in jipan̄ jukjuk in pād eo n̄an m̧am̧a ro ilo Memphis ilo Tennessee, USA im ro me raar aikuji m̧ōn̄ā ko rāājmour ilo San Francisco, California. Im Light the World Giving Mechine ko kar aintok jāān ko n̄an wiaik m̧ōn̄ā kok im m̧weiuk ko jet n̄an ro rej aikuj ilo 28 jikin ko ipeļaakin laļ in.

6.3 milien awa in baļintieer ko kar jipan̄ kaki ilo 2022 ekar koba jerbal ilo jikin kallib ko, orchard ko, jikin kāān ko, m̧ōn̄ wia ko an Deseret Industries; mijen ko n̄an kea kōn ro rej pād ilo aikuj; im karreo ko ālkin jorrāān ko reļļap.

Ilo kakobaba n̄an 3,692 būroojāāk ko an humanitarian, 16,285 būroojāāk in jerbal in jipan̄ ko rekāāl raar kōm̧mani jān JustServe.org, online volunteer portal eo an Kabun̄ in ejjeļo̧k wōn̄āān ej pād ilo 14 laļ ko. Kein jerbal eo ej kobaik armej ro n̄an iien ko rem̧m̧an an jerbal in jipan̄ me ej kajetjet itok limo ko aer im jikin eo.

Bisop eo Eutiej Tōl Gérald Caussé ekar ba JustServe “juon em̧m̧akūt im juon wāween me jemaron̄ mour kōn bujen ko ad” im “kōjeraam̧m̧an im kōkajoorļo̧k jukjuk in pād eo [ad]” (ilo “The Blessings Will Follow: Benefits of Implementing JustServe” [pija IN alooj], ChurchofJesusChrist.org).

Kabun̄ in ekar barāinwōt wōnm̧aanļo̧k ilo eddo eo an kōn jerbal ko an kōn peļaak ko. Jān 2018 eo, headquarter ko an Kabun̄ in ekar kadikļo̧k aer kōjerbal dān iiō otemjeļo̧k kōn 38 milien kōļan ko. Elōn̄ļo̧k jān 500 im̧ōn jar ko ipeļakin laļ in ewōr kiiō aer solar panel ko. Deseret Industries ko raar recycle 73 milien m̧weiuk ko. Im Print im Distribution Center eo an Kabun̄ in ekar recycle e 4,000 ton in peba ko, metal, bo̧o̧k, im būļaajtik.