2023
Rial ro jān Laļin kar Kobaļo̧k ippān Tabernacle Choir n̄an Kweilo̧k eo
Māe 2023

Rial ro jān Laļin kar Kobaļo̧k ippān Tabernacle Choir n̄an Kweilo̧k eo

Ejkab kein kajuon, Ribōk koņaer ro rej jokwe itulik in United States kar kobatok ippān Tabernacle Choir ilo Temple Square ilo iien kweilo̧k eo eļap ejkab m̧ōjļo̧k.

Kuwaer eo kiiō epaak kar kōdepakpakļo̧k mijen eo an n̄an tōpar juon kumi aolepān laļ in, būreejtōn eo an choir eo Michael O. Leavitt ekar ba, eo ej kōmeļeļeik būrookraam̧ in ekkatak in āinwōt juon eddōkļok ilo eddōkļo̧k eo an kuwaer eo. “Jej eddōkļo̧k ilo wāween eo wōt jejeļā ekōjkan, eo ej juon bun̄tōn ilo juon iien—ekkatak, kōkōm̧anm̧anļo̧k, im kajjitōk ippān Irooj kōn eļapļo̧k tōl,” ekar ba. “Kōn kajjojo būn̄ten ne, em̧ōj an alikkar ļo̧k bwe menin emaron̄ walo̧k.

Kōnke kōn jikejuuļ in kōmālmel eo an kuwaer eo epen, ro uwaan kuwaer eo kar kajjitōk n̄an er jokwe ilowaan wōt1 00 m̧aiļ (160 km) jān Tabernacle eo ilo Salt Lake City. Ijoke, Brother Leavitt būrookraam in ekkatak in ekōpeļļo̧k kōjām eo n̄an ro jet kōn maron̄ in al ko ejej uwaer n̄an barāinwōt bōk koņaer ilo juon jekjek ejjab aito kitien.

Ippānļo̧k kajoor in ainikied, ribōk konaer ro jān aolepen laļ in kar ekar bōk bwe ren kwaļo̧k tijem̧ļo̧k ilo kōjan̄jan̄ im English ilo iien ekāālel eo.

Ro kar kāālet er n̄an al ippān choir eo kar itok jān jiljino laļ ko.

  • Alvaro Jorge Martins jān Natal, Brazil, baritone

  • Rodrigo Domaredzky jān Curitiba, Brazil, baritone

  • Thalita De Carvalho jān Sao Paulo, Brazil, kein karuo soprano

  • Tubo-Oreriba Joseph Elisha jān Accra, Ghana, tōna

  • Jonathan How jān Kuala Lumpur, Malaysia, kein karuo tōna

  • Denisse Elorza Avalos jānTijuana, Mexico, kein karuo soprano

  • Georgina Montemayor Wong jān Monterrey, Mexico, kein karuo soprano

  • Ronald Baa jān Cagayan de Oro, Philippines, tōna

  • Sundae Mae Indino jān Cagayan de Oro, Philippines, kein kajuon soprano

  • Pei-Shan Chung (Kylie Zhong) jān Taipei, Taiwan, kein kajuon alto

Ribōk konaer ro jān aolepen laļ rekar kobaļo̧k ilo an choir ekkatak, kar pād ilo jikuuļ in choir, kar lo̧ļo̧k jikin ko an Kabun̄, im kar etale Welfare Square eo an Kabun̄ in, Temple Square eo, im Bishops’ Central Storehouse eo.

Ilo jem̧ļo̧k in kweilo̧k eo eļap, ro uwaan choir eo jān Utah rekar al “Anij Ippam M̧ae Iien Jen Bar Lo Doon” n̄an ro rekar bōk konaer im lotok āinwōt juon kōjjem̧ļo̧k eliktata.

Presiding Bisop Gérald Caussé kar kwaļo̧k iakwe eo an im an kamoolol n̄an ribok konaer ro jān aolep laļin. “Ij kōjatdikdik n̄e kom naaj jepļaak n̄an laļ eo ami, ij kamool kōn en̄jake in im kom naaj kajutak juon epepen kāāl in rial ro aolep jikin—ipeļaakin laļ,” e kar ba.

En̄jake eo an ruo wiik ko kar jipan̄ ribōk kuņaer ro en̄jake juon en̄jake eļapļo̧k kōn ekkejel eo im bōro kuk eo ippān jukjuk in pād an Kabun̄ in. “Jaar joļo̧k eļap iien ippān ra eo an al an Kabun̄ in. Ke ikar ioon er, ikar lukkuun en̄jake bwe ritōl ro an Kabun̄ in rej kōjatdikdik bwe Armej ro Rekwojarjar ilo Raan-ko Āliktata aolepān laļ in maron̄ wōr juon aer en̄jake in jetōb em̧wilaļ kōn al,” Pei-Shan Chung ekar ba.

Būriin