“Elder Alan T. Phillips,” Liaona, Māe 2023.
Elder Alan T. Phillips
Ritōl Eutiej an Jiljilimjuonn̄oul an Kabun̄ in
Jān ke ekar dik, Elder Alan T. Phillips ekar en̄jake bwe Kabun̄ in ekar m̧ool, bōtaap ekar kōjatdikdik kōn juon kamool an juon make eļapļok kōn Rilo̧mo̧o̧r eo mokta jān an etal n̄an jerbale juon mijen edipio.
“Ikar jitlo̧k, jar, etal n̄an wōjke ko,” ekar ba. “Ikar kappukōt juon uwaak eļap.”
Innām, juon wiik ke baam̧le eo an rekar jako ilo juon kūr, ekar pād ilo kweilo̧k in kwojkwoj eo ippān make.
“Ikar jab kappukōt. Ikar pād wōt ijo—kōppopo n̄an kwojkwoj eo im al ippān jarlepju in jar eo,” ļein ekar ba. “Ej kab tōn kein kajuon, naan ko im ļōm̧ņak eo kōn ‘pein kar dila im bōtōktōk n̄an kōļļāik muri eo’1 n̄an n̄a ekar wōtlo̧k tok im deļo̧n̄e būruō. Ikar en̄jake m̧ool eo kōn E ilo an iooktok n̄a, ejako an juon ļōmņak, ejako an juon ļōmņak pata. Ekar, ilo iien eo, Rilo̧mo̧o̧r eo aō.”
Elder Phillips tokelik ekar jar, kamoolol Jemed Ilan̄ im ba n̄an E bwe enaaj kar mool ilo aolepen mour eo an n̄an jeļā in ekāāl Anij ekar leļo̧k n̄an e.
Ekar iien eo m̧ool eo kōn Rilo̧mo̧o̧r ekar kapene n̄an e. Ekar ba aolep men ko jet ilo kamool eo an kar ejaak jān “pedped em̧ool” eo (Hiļam̧ōn 5:12
Alan Thomas Phillips ekar ļotak ilo Kent, England, ilo Juun 1970 eo, im kar rittoļo̧k ilo Buckinghamshire, England. Ekar m̧arreik Lindsey lorg ilo Juļae 2005 ilo Mesa Arizona Temple. Ewōr emān nejier ajri ro im rej uwaan Stake eo ilo Hyde Park ilo London.
Elder Phillips ekar bōk juon an bachelor degree im juon master degree jān London School of Economics im Political Science. Ekar jerbal n̄an elōn̄ doulul ko ilo pejnej, finance, im jikin jeļāļo̧kjeņ, ekoba iiō ko emān rej jemļo̧kļo̧k āinwōt juon directōr n̄an Brigham Young Universtity London Centre.
Elder Phillip ekar jerbale juon mijen edipio ilo England Manchester Mission. Ekar bar jerbal āinwōt juon rikapilōklōk ilo Europe North Eria Būreejtōnji, Eria Jiljilimjuonn̄oun, stake būreejtōn, rikapilōklōk ilo stake būreejtōnji, high councilor, im rikapilōklōk ilo juon bisoprik.