Jerbal Karejar an Rijilōk ro ej Wōnm̧anļo̧k

Elder David A. Bednar ekar lo̧ļo̧k Switzerland, Austria, Albania, im Hungary ilo Oktoba 2022. Ilo Switzerland, ekar loļo̧k riutiej ro an UN dipomate im ro rej itok ilo etan global organization ko me rej jerbal ippān Kabun̄ in ilo būroojāāko an humanitarian. Ilo laļ ko jet ekar ioon membōr ro, ro me elōn̄ wōt iaer raar bainiier ro ilo tōmak ilo laļ ko.

“Jej iaio ippān Rikwojarjar ro rekar kajutak pedped eo an Kabun̄ in me enaaj pād wōt iumin epepen ko,” ļein ekar ba.

Jān São Paulo Temple Visitors’ Center eo ilo Nobōm̧ba 10, 2022, Elder Ronald A. Rasband ekar bōk koņaan ilo juon Facebook Live kadiwōjļo̧k, kwaļo̧k kamool eo an kōn Jisōs Kraist.

“Aolep iien kemeemej bwe Jisōs Kraist ej Kin̄ in kin̄ ko. E ej Irooj in irooj im Irooj in Aenōm̧man,” Elder Rasband ekar kamool.

Barāinwōt ilo Nobōm̧ba, Elder Gary E. Stevenson ekar kōnono ilo G20 Religion Forum ilo Bali, Indonesia. Ekar ba kabun̄ ko remaron̄ jipan̄ ilo em̧m̧an tata ņa mejļan joreen ko an laļ n̄e “rej dāpij mool eo n̄an mwilaļ in katak ko aer ilo aer bar tōl jān meram ekkwojarjar eo im jeļāļ eo.”

Būreejtōn M. Russell Ballard, Ribōk jikin Būreejtōn an Doulul eo an Jon̄oulruo Rijilōk ro, kar kōnono n̄an mijinede ro ilo Mexico City Missionary Training Center eo ilo Tijem̧ba 2022 eo im kar kamool kōn “jeraam̧m̧an eo an kean̄ eo n̄an laļ in bwe Jisōs Kraist ej Rilo̧mo̧o̧r eo im Ripinmuur eo an aolep armej.”

Elder Jeffrey R. Holland ekar loļo̧k juon kūlaaj in jemenere ilo California, USA, im kar kōnono n̄an membōr ro rej kajin Spanish ilo ruwalitōk stake ko ipeļaakin Ventura, California, ilo Tijem̧ba 2022 eo. Ekar kōnono jim̧or kajin In̄lij im Spanish. Ekar kōketak membōr ro n̄an m̧adjake jodikdik ro im kajjitōk ippān jodikdik ro im ritōl ro ilo jarlepju eo n̄an erom mijenede ro kiiō kōnke “Anij emour, ro jeiū im jatū, Anij emour. Kabun̄ in ej em̧ool.”

Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar kōnono n̄an membōr ro im ro m̧ōttad ilo Kabun̄ in ilo Illinois, Indiana, and Wisconsin, USA, ilo Pāpode 11, 2023 eo. Ekar kōnono jān stake center eo ilo Wilmette, Illinois, kōn an kweilo̧k eo kadiwōjļo̧k imejatoto n̄an 14 stake ko. Jotenin eo tok juon, ekar kōnono n̄an iturinļo̧k 900 jodikdik ro im rum̧m̧an ded ro kar kobatok ilo Rockford Illinois Stake Center eo. Kweilo̧k eo kar kadiwōjļo̧k imejatoto n̄an bar jikin ko ilo Illinois, Indiana, im Wisconsin.

Membōr ro im balōntier rijerbal ro an Kabun̄ in ilo India kar karuwaineneikļo̧k Elder Dieter F. Uchtdorf ke ekar loļo̧k New Delhi, Hyderabad, im Bengaluru jān Pāpode 6 n̄an 17. “Kōmij iakwe india im armej ro,” Elder Uchtdorf ekar kwaļo̧k. “Kōm kar lukkuun m̧weiur im ketak.”

Elder Quentin L. Cook ekar katakin Rikwojarjar ro ilo Madagascar, Zambia, im Mozambique ilo juon loļo̧k ilo Pāpode eo. Elōn̄ļo̧k jān 500 armej ro raar jab membōr in Kabun̄ in raar kobatok ilo kobaik juon kweilo̧k eļap an stake ilo Manputo, Mozambique, n̄an ron̄jake an Rijilōk eo kōnono. “kōnke ekar kanooj lōn̄ ro raar jab jān kabun̄ in ad ilo kweilok eo an Jabōt eo, kōm kar ukukōt ennaan ko am n̄an kōnono kōn pedped in katak ko im likūt juon pija ekile n̄an lale gospel eo, kwaļo̧k kadkad in aorōk eo an rikanaan, im kalōk tōmak ilo Jisōs Kraist im Pinmuur eo An,” Elder Cook ekar ba.

Ilo Pāpode eo, Elder D. Todd Christofferson ekar loļo̧k membōr ro ilo Ghana, Nigeria, Ivory Coast, im Liberia ilo juon lo̧ļo̧k 12 raan aitokan n̄an Africa West Eria eo. Tūreep eo ekar koba juon kweilo̧k ippān Būreejtōn eo an Ghana. Raar kōnoo kōn jibadbad eo erro ej kwaļo̧k kōn jeļāļo̧kjeņ im bar etale BYU–Pathway Worldwide and Gathering Place būrookram̧ ko.

Elder Dale G. Renlund ekar loļo̧k Honduras, Belize, Panama, Nicaragua, im Guatamala ilo Pāpode eo. Elder Renlund ekar etal ippānļo̧k kōrā eo pāleen, Ruth. Ilo iien loļo̧k eo, ekar etal n̄an juon auspitōļ ilo Nicaragua, im Sister Renlund ekar jipan̄ ilo juon mennin leļo̧k an Kabun̄ kōn mennin karreo ko im nuknuk n̄an ro rej em̧akūt tok n̄an Honduras.

Ilo M̧aaj eo, Elder Neil L. Andersen ekar loļo̧k Brazil, ijo ekar ioon juon ritōl in kien eo ebun̄bun̄, kar loo̧ļo̧k Brasilia Brazil Temple eo nej-aje-ejjab to, im kar katakin im kamool n̄an membōr ro, mijinede ro, im ritōl ro ilo aolepān laļ en. Ilo iien loļo̧k eo, e im Sister Kathy Andersen kar ioon First Lady eo an Brazil.

Ilo juon loļo̧k n̄an Mexico ilo M̧aaj eo, Elder Gerrit W. Gong ekar ioon Adán Augusto López, interior minister eo an Mexico. López ej juon kein karuo utiejtata ilo ritōl in kien an Rimexico. Ilo juon kweilo̧k ilo opiij ko reļļap an Ministry eo an Interior, Elder Gong ekar kōnono kōn kijejeto ko Kabun̄ in ej kōm̧m̧ani n̄an kalōk baam̧le ko ilo Mexico. “Ilo ad kōm̧m̧ane menin, jej jipan̄ n̄an kōkajoorļo̧k jukjuk in pād eo,” ekar ba.

Elder Ulisses Soares ekar kōketak Armej ro Rekwojarjar ilo Raan-ko Āliktata ilo Pacific Eria eo n̄ankalimjōk wōt Jisōs Kraist. “N̄e jej pedped e mour ko ad ioon Rilo̧mo̧o̧r Jisōs Kraist im kajjieon̄ n̄an mour kōn gospel eo An kar kōjepļaaktok, jemaron̄ aolep iien lo aenōm̧m̧an, kakije, im lan̄lōn̄ ilo iaļ eo ad,” ekar ba ilo M̧aaj eo ilo juon loļo̧k n̄an New Zealand, Tonga, im Fiji.