2023
Kukļo̧k M̧weo Ilo Ineem̧m̧an
Māe 2023
14:48

Kukļo̧k M̧weo Ilo Ineem̧m̧an

Jān Elder Quentin L. Cook

Jān Doulul eo an Jon̄oulruo Rijilōk ro

Jej juon wōt ilo jerbal n̄an aiintok Israel jim̧or ilo ron̄ōl eo

Būreejtōn Russell M. Nelson, rikanaan eo ad ejitōnbōro, ekar kōmejajaik bwe eddo eo ad ejej uwaan ej n̄an jipan̄ aintok Israel eo ejepelōklōk im kōpooj laļ in n̄an Itok eo Kein Karuo an Jisōs Kraist.1 Jemen jetōb ko ad ej kōņaan bwe ajri ro Nejin ren kukļo̧k m̧weo ilo ineem̧m̧an.

Karōk eo an Jemedwōj Ilan̄ n̄an aintok ajri ro Nejin ilo ineem̧m̧an n̄an kapijuknen eo ad ilan̄ ejjab pedped ioon jeraam̧m̧an an laļ, jekjek an menin jeraam̧m̧an, jeļāļo̧kjeņ, kūl, ak kōjāllin. Karōk eo an Jemed ej pedped ioon jim̧we, kōjparok kien ko an, im bōk kain̄i ko rekwojarjar im kautiej bujen ko jej kōm̧m̧ani.2

Katak kwojarjar eo eim̧we me jej aolep jemjān jemjati im “aolep rej juon wōt n̄an Anij” ej kwaļo̧k wōj eo an jerbal in eļap an aintok. Katak in ej jokkun wōt ippān ko me em̧wilaļ aer kōņaan n̄an armej eoktak menin jeraam̧m̧an ko aer im jekjek in kūlier n̄an en̄jake mour ko rem̧m̧anļo̧k. Jej pinnik im koba ilo kain kijejeto rōt kein. Ijello̧kin, jej kōņaan bwe aolep ajri ro nejin Anij ren itok n̄an E im bōk kōjeraam̧m̧an ko indeeo Ej litok kōn gospel eo An.3 Ilo kōmeļeļe eo an Irooj n̄an Katak im Bujen Ko, Ekar kean̄, “Kom̧in ron̄jake kom̧ armej raņ jān ettoļo̧k; im kom̧ ro rej pād ioon aelōn̄ ko in lo̧meto, ron̄jake ippān doon.”4

Em̧m̧an ippa eoon eo m̧oktata ilo Katak im Bujen Ko ej kobaik armej ro me rej pād ilo “aelōn̄ ko in lo̧meto.” Ekar wōr jilu aō kūr ko n̄an jerbal im mour ilo aelōn̄ ko in lo̧meto. Ikar m̧okta jerbal āinwōt juon mijenede ilo British Isles, ruo āinwōt juon Ritōl Utiej an Kabun̄ in ekāāl ilo Philippine Islands, innām āinwōt Eria Būreejtōn ilo Aelōn̄ ko in Pacific, eo ekoba elōn̄ Aelōn̄ ko ilo Polynesia.

Aolepān eria kein jilu kar wejepedik ilo kar aintok rittōmak ro n̄an gospel eo kōjepļaaktok an Jisōs Kraist. Mijenede ro m̧oktata kar jikrōkļo̧k ilo British Isles ilo 1837 eo. Ekar juon ālkin an Josep Smith aje tampeļ eo ilo Kirtland, ijo Moses ekar kōjepļaaktok “ki ko an aintok Israel jān m̧ōttan ko emān in laļ, im tōltok in bwij ko jon̄oul jān āne ko ituiōn̄.”5 Jeraam̧m̧an eo m̧oktata ilo British Isles ej bun̄bun̄. Ilo 1851 eo, elōn̄ļo̧k jān jimettan in membōr ro an Kabun̄ in raar oktak tok im kar peptaij im jokwe ilo British Isles.6

Ilo 1961 eo, Elder Gordon B. Hinckley ekar loļo̧k im jino kijejeto ko an jerbal in mijenede aolep raan ilo Aelōn̄ ko an Philippines. Ilo tōre in ekar wōr wōt juon rikabwijer Melkesedek Priesthood Riphilippine. Ekabwilōn̄lōn̄, elōn̄ļo̧k jān 850,000 membōr ro an Kabun̄ in rainin ilo Aelōn̄ ko ilo Philippine. Ij nebar armej in Philippine ro; ewōr juon iakwe em̧wilaļ im en̄jake aitok kitien n̄an Rilo̧mo̧o̧r eo.

Bōlen ejjab ļap jeļā kake kijejeto in mijjinede eo ej kōm̧m̧an n̄an Aelōn̄ ko ilo Polynesia. Ekar jinoe ilo 1843 ke raar jilkinļo̧k Addison Pratt n̄an eo kiiō ej French Polynesia.7 Elōn̄ Ripolynesia ro raar tōmak kadede ilo baam̧le ko indeeo im kar bōk Jisōs Kraist āinwōt aer Rilo̧mo̧o̧r. Rainin eļapļo̧k jān 25 bōkjāān in Ripolynesia ro, ilo Aelōn̄ ko ilo Polynesia, rej membōr in Kabun̄ in.8

Juon iien ikar ron̄jake juon leddik 17 iiō detttan ilo juon āne ettoļok ilo Tahiti me ekar 7th epepen membōr. Liin ekar kwaļo̧k nebar n̄an rūtto ro an me raar oktak ilo 1845 eo ilo Tubuai, ruo iiō ko m̧oktaļo̧k jān an membōr ro an Kabun̄ in jinoin tata kar jikrōkļo̧k ilo Salt Lake City Valley.9

Katak eo ad ej kalikkar bwe enaaj wōr juon iien im juon tōre n̄an aolep armej n̄an bōk im n̄an uwaake ennaan eo an gospel eo. Waanjon̄ak kein rej juon m̧ōttan juon pija ekanooj in ļap. Būreejtōn Nelson ekar wōnm̧aanļo̧k wōt im kōmejajaik bwe aiintok Israel ej juonidajon̄jon̄ eļap, … unjen, im … jerbal ioon laļ in rainin.”10

M̧ae iien Jepļaaktok eo an Kabun̄ eo an Jisōs Kraist, ekoba waļoktok eo an Bok in Mormon im revelesōn im kii ko an priesthood kar leļok n̄an Rikanaan Josep Smith, meļeļe kōn aiintok an Israel ekar ijidikdik im wōr jon̄an.11

Āt eo make “Israel” ekar taitōļ eo kar leļo̧k ioon Jekab.12 Ekar itok n̄an bōk jikin ineen Ebream kōn Aisōk im Jekab. Kallim̧ur eo im bujen eo jinoin tata n̄an Jemed Ebream ej waļo̧k ilo Ebream 2:9–10, eo ej riit ilo jidik in:

“Im I naaj kōm̧m̧ane jān eok juon laļ eļap, …

“Im I naaj kōjeraam̧m̧an er kōn etam̧; bwe jon̄an wōt lōn̄in eo enaaj bōk Gospel in naaj ņa etan ilo̧kan Eta, im enaaj bōnbōn ineem, im enaaj jutaktok im kōjeraam̧m̧an eok, āinwōt jemāer.”

Ilo iien Ko̧o̧njeļ eo ilo Lan̄ ilo mour eo m̧okta, karōk in lo̧mo̧o̧r kar kōnono kake im rejtake Ekar koba kien ko im kain̄i ko an priesthood eo kar ijjino m̧okta jān pedped eo an laļ in im kar pedped ioon aintok eo.13 Ej barāinwōt koba men eo aorōk pedped in katak an anemkwoj in kāālet.

Ālkin jejjo buki iiō ko āinwōt juon armej ekajoor, ekoba iien irooj ko an Saul, David, im Solomon, Israel ekar ajej. Bwij eo an Juda im m̧ōttan bwij eo an Benjamin raar erom kiin̄ in Juda. Ro jet, kar kile er āinwōt bwij ko jon̄oul, kar erom aelōn̄ in kiin̄ an Israel.14 Ālkin 200 iiō ko in jepeļļo̧k, aiintok eo jinoin tata an Israel ekar waļo̧k ilo 721 MK ke bwij ko jon̄oul in Israel raar bōk er kōm̧akoko jān kiin̄ in Assyria eo.15 Tokālik raar ilo̧k n̄an laļ ko ituiōōn̄.16

Ilo 600 MK eo ilo jinoin Bok in Mormon, Jemed Liai ekar tōl juon laļ an RiIsrael n̄an Amedka. Liai ekar meļeļe ejepelōklōk eo an Israel eo me ekar m̧ōttan. E ekar kout jān Nipai āinwōt an ba bwe m̧weo im̧ōn Israel “aikuj keidi er āinwōt juon wōjke olive, ko ra ko raan naaj bwilo̧k im naaj ejjeplōklōk ioon aolep mejān laļ.”17

Ilo Laļ Kāāl eo, bwebwenato kōn Rinipai ro im Rileman ro āinwōt kōmeļeļeik ilo Bok in Mormon ej jem̧ļo̧k ilo enan̄in AD 400. Ro bwijjin Jemed Liai rej ajeeded ilo aolepān Amedka.18

Menin alikkar an kōmeļeļeik jān Mormon ilo 3 Nipai 5:20; eo riiti: “N̄a in Mormon, im juon lukkuun bwijjin Liai. Ewōr unin n̄an aō nebar aō Anij im aō Rilo̧mo̧o̧r Jisōs Kraist, bwe Eaar bōktok ro jemām jān āneen Jerusalem.”19

Ealikkar m̧ōttan eo eaorōk tata ilo laajrak in bwebwenato eo an RiIsrael ej ļotak, ennaan eo, jerbal in karejar, im mijen eo an ad Irooj im Rilo̧mo̧o̧r, Jisōs Kraist.20

Ālkin mej im Jerkakpeje eo an Rilo̧mo̧o̧r eo ej ļam mour indeeo, ejepelōklōk eo kein karuo jeļā kake an Juda ekar waļo̧k ikōtaan AD 70 im AD 135 eo ke, kōn wōt kakkure im kaen̄taan eo an Rirom, Riju ro raar ajeeded ilo aolepān laļ eo jeļā kake.

Būreejtōn Nelson ekar katakin, “Bok in Mormon ekar itok āinwōt juon kakōļļe me Irooj en kar jino aintok [eo] an ajri in bujen eo.”21 Kōn menin, Bok in Mormon, kar ukook jān Rikanaan Josep Smith kōn menin letok im kajoor an Anij, ej kajjuļo̧k n̄an ro bwijjin Liai, ejepelōklōk an Israel, im Riaelōn̄ ko me kar kōkkajiririik er n̄an bwij ko an Israel. Ilo kōmeļeļein jepta eo an 1 Nipai 22 jimettan in ej riit: “Israel enaaj ejjeplōklōk ilo aolepān mejān laļ—Ro riAelōn̄ ko renaaj kōkaajririk im naajdik Israel kōn gospel eo ilo raan ko āliktata.” Taitōl peij eo an Bok in Mormon ej riit bwe juon iaan jibadbad ko bok in ej n̄an “n̄an karreel riJu im riAelōn̄ ko bwe Jisōs ej Ri Kraist.” Kōn Jepļaaktok eo im Bok in Mormon, ļōmņak eo n̄an aintok Israel emōj an lukkuun ererakļo̧k.22

Ro me raar bōk gospel eo an Jisōs Kraist, jekdo̧o̧ņ ta menmenbwij eo, ej erom m̧ōttan aiintok an Israel.23 Ippān aintok in im oran tampeļ ko rej ekkal im kōjeļļā kaki, jej pād ilo juon jekjek ainjuon n̄an aintok Israel ilo rejet ko jim̧or an rōn̄ōl eo āinwōt ejjan̄n kar m̧okta ium̧win karōk eo an Jemed.

Būreejtōn Spencer W. Kimball, eaar kōnono kōn aiintok eo an Israel, kar kwao̧k: “Kiiō, aiintok eo an Israel ej jejjet n̄an kobaik kabun̄ eo em̧ool im … n̄an jeļā kōn juon Anij em̧ool. … Jabdewōt armej, kōn menin, eo ekar bōk gospel eo kōjepļaaktok, im eo kiiō ej pukōt n̄an kabun̄jar n̄an Irooj ilo kajin eo an make im ippāān Armej ro rekwojarjar ilo laļ ko ej jokwe ie, ekar ļoor kien eo an aintok an Israel im ej rijolet n̄an aolep kōjeraam̧m̧an ko kar kalllim̧uri Armej ro rekwojarjar ilo raan ko āliktata.”24

“Aintok eo an Israel kiiō ej koba in oktak.”25

Āinwōt lale ilo kein lale ko realikkar, membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata rej jeram̧m̧an kōn aer iakwe, kwaļo̧k, karuwainene, im jipan̄ aiintok Israel n̄an bōk tarlep in bujen kallim̧ur ko an Irooj. Menin ekoba Riafrica ro im Rieurope ro, Risouth im North Amerika ro, Riasian ro, Riaustralia ro, im ro ilo aelōn̄ ko in lo̧m̧aļo. “Bwe em̧ool ainikien Irooj ej n̄an armej otemjej.”26 “Aintok in naaj wōnm̧aanļo̧k m̧ae jim̧we ko rej koba ilo jarlepju an Rikwojarar ro ilo laļ ko an laļ.”27

Ejjeļo̧k enan̄in kar kōnono eļap wōt kōn aintok eo jān Būreejtōn Nelson: “Jabdewōt iien kwoj kōm̧m̧ane jabdewōt men me ej jipan̄ jabdewōt armej—ilo jim̧or jait ko an rōn̄ōl eo—bōk juon bun̄tōn m̧aanļo̧k n̄an kōm̧m̧ani bujen ko ippān Anij im aer bōk kain̄i ko an peptaij im tampeļ ko remenin aikuj, kwoj jipan̄ aiintok Israel. Epidodo āinwōt in.”28

Epād ia Kabun̄ in rainin? Ilo iiō ko 62 jān ke ikar jino jerbale juon mijen ilo 1960 eo, oran mijenede rej jerbal aolep raan ium̧win juon kūr jān rikanaan eo ekar ļapļo̧k jān 7,683 n̄an 62, 544. Oran mijen ko raar ļapļo̧k jān 58 n̄an 411. Oran membōr ro ekar ļapļo̧k jān tarrin in 1,700,000 n̄an tarrin in 17,000,000.

Ajedeed in Covid-19 eo ekar jelet jet iaan iien ko ad rem̧m̧an n̄an kwaļo̧k gospel eo. Ekar barāinwōt letok iien em̧m̧an n̄an kōjerbal mennin kapeel ko rekāāl, eo enaaj kanooj kōkōm̧anm̧anļo̧k aintok eo. Jej kam̧m̧oolol bwe membōr ro im mijenede ro rej kiiō kōdepakpakļo̧k kijejeto ko n̄an aintok Israel eo ejepelōklōk. Eddōkļo̧k eo ej wōnm̧aanļo̧k aolep jikin, eļap tata ilo South America im Africa. Jej barāinwōt kam̧m̧oolol bwe ekanooj lōn̄ ro ilo aolepān laļ in raar uwaake kūr kajoor eo an Būreejtōn Nelson n̄an kōļapļo̧k jerbal in mijenede. Mekarta, kallim̧ur eo ad n̄an iakwe, kwaļo̧k, im karuwainene emaron̄in kanooj depakpakļo̧k.

Āinwōt juon m̧ōttan aorōk an kijejeto in an mijenede ej n̄an kajjojo membōr n̄an erom joor in meram in waanjon̄ak ko29 jabdewōt jikin jej jokwe ie.30 Jejjb maron̄ tileekek. Waanjon̄ak in Kraist eo ad an jouj, jim̧we, m̧ōņōņō, im iakwe m̧ool n̄an aolep armej ro maron̄ ejake ejjab wōt juon kakōl in meram n̄an er ak barāinwōt juon meļeļe me ewōr juon aba in kōjparok ilo kain̄i ko an lo̧mo̧o̧r im mour ijo eutiej tata an gospel eo an Jisōs Kraist kar kōjepļaaktok.

Jouj im meļeļe bwe ewōr kōjeraam̧m̧an ko rekabwilōn̄lōn̄ ilo kwaļo̧k gospel eo an Jisōs Kraist. Jeje ko rekwojarjar rej kōnono kōn lan̄lōn̄ im aenōm̧m̧an, jeorļo̧k bōd in jerawiwi ko, kōjparok jān kapo ko, im kajoor in rejtak eo jān Anij.31 Lale eļapļo̧k jān mour in, jenaaj pojak n̄an kwaļo̧k gospel eo ippān ro me rej ped “ilo marok im ium̧win korak an jero̧wiwi ilo laļ eo eļap an jetōb ro an ro remej.”32

Jar eo aō ejenolo̧k rainin ej n̄an aolep ajri, likao, jiron̄, baam̧le, doulul, Doulul eo an Kōrā ro, im kūlaaj n̄an etale ekōjkan ad kajjojo im ippān doon bōk kapilōk eo ekabwilōn̄lōn̄ n̄an jipan̄ aintok Israel me em̧ōj kar letok jān Irooj im rikanaan eo ad ejitōnbōro.

Jej kautiej anemkwoj in kāālet eo. Ilo laļ in, elōn̄ rejjamin naaj uwaak im bōk kuņaer ilo aintok in Israel. Ak elōn̄ renaaj, im Irooj ej kōtmene ro me raar bōk gosepl eo An n̄an libujerjer kajjieon̄ in erom juon kakōļļe in meram in waanjon̄ak eo me enaaj jipan̄ ro jet itok n̄an Anij. Menin ej kōtļo̧k an ro jeid im jatid ilo aolepān laļ in n̄an lemōņōņō ilo kōjeraam̧m̧an ko reļļap im kain̄i ko an gosepl eo an Jisōs Kraist kar kōjepļaaktok im kukļo̧k m̧weo ilo inem̧m̧an.

Ij kwaļo̧k aō kam̧ool in rijilōk em̧ool im epen kōn kwojarjar eo an karōk eo an Jisōs Kraist im Jemedwōj ilo Lan̄ ilo etan Jisōs Kraist, amen.

Kakeememej ko

  1. Lale Russell M. Nelson, “Naan in Karwuainene,” Liaona, Māe 2021, 7.

  2. Lale Katak im Bujen Ko 20:37.

  3. Lale 2 Nipai 26:33.

  4. Katak im Bujen Ko 1:1. Ilo Katak im Bujen Ko 1:4, Irooj ej wōnm̧aanļo̧k wōt: “Im ainikien kakkōl naaj n̄an armej otemjej, jān lo̧n̄iin ro rikaļoora, ro Iaar kāālet ilo raan kein āliktata.”

  5. Katak im Bujen Ko 110:11.

  6. Ilo 1851, ekar wōr 52,165 oran membōr ro an Kabun̄ in. Ekkar n̄an rekoot ko an Kabun̄ in im “Religious Census of 1851” in England and Wales, there were over 28,000 members in those locations (see Robert L. Lively Jr., “Some Sociological Reflections on the Nineteenth-Century British Mission,” in Mormons in Early Victorian Britain, ed. Richard L. Jensen im Malcolm R. Thorp [1989], 19–20).

  7. Lale Saints: The Story of the Church of Jesus Christ in the Latter Days, vol. 1, The Standard of Truth, 1815–1846 (2018), 494–95, 514–15, 573.

  8. Tonga: 45 percent; Samoa: 31 percent; American Samoa: 22.5 percent; and French Polynesia: 7 percent.

  9. Lale Saints, 573–74.

  10. Russell M. Nelson, “Hope of Israel” (worldwide youth devotional, June 3, 2018), HopeofIsrael.ChurchofJesusChrist.org.

  11. Katak in ejej uwaan im kajoor ej pād ilo Bok im Mormon im alikkar an kwaļo̧ke ilo aajrak in tōmak jon̄oul, ej jino kōn, “Kōmij tōmak ilo lukkuun kuktok eo an Israel im ilo jepļaaktok eo an Bwij ko Jon̄oul” (lale James E. Talmage, The Articles of Faith, 12th ed. [1924], 314–44).

  12. Āinwōt kar rekoote ilo Jenesis 32:28, jeje ko rekwojarjar rej riiti, “Re jāmin bar ān̄inn̄in eok Jekob, a Israel: bwe kwaar oktaak ippān Anij im ippān armej.”

  13. Lale Joseph Smith, in “History, 1838–1856, volume D-1,” 1572, josephsmithpapers.org; see also Joseph Smith, “Discourse, 11 June 1843–A, as Reported by Wilford Woodruff,” [42–43], josephsmithpapers.org; Joseph Smith, “Discourse, 11 June 1843–A, as Reported by Willard Richards,” [241], josephsmithpapers.org.

  14. Lale Bible Dictionary, “Israel, Kingdom of”; James E. Talmage, The Articles of Faith, 315. Rehoboam im armej ro an kar jeļā kajjier āinwōt Aelōn̄ in Kiin̄ an Juda im kar pād ilo m̧ōttan ko iturōk in Israel eo kiiō.

  15. Lale 2 Kiin̄ 17:23.

  16. Lale Katak im Bujen Ko 133:26; bar lale Katak im Bujen Ko 110:11.

  17. 1 Nipai 10:12. Ammon tokālik ekar ba, “Em̧ōņōņō ej etan aō Anij, eo Eaar ļōmņak kōn armej rein, ro rej juon raan wōjke in Israel, im eaar jebwābwe jān kāān eo an ilo juon āne eruwamāejet” (Alma 26:36).

  18. Būreejtōn Spencer W. Kimball, kōnono kōn Rilaman Israel, kar katakin bwe Zaion ej pād aolepān Amedka. Būreejtōn Kimball ekar ba, “Jej pād ilo Israel im rej aintok ippān doon” (The Teachings of Spencer W. Kimball, ed. Edward L. Kimball (1982), 439.

  19. Ke Jemed Liai ekar kōmeļeļeik n̄an bōk baam̧le eo an im em̧m̧akūt n̄an āne jem̧aden, jidik in m̧ōttan un eo ekar bwe Jerusalem naaj kar kakkure (lale 1 Nipai 2). Kakkure eo an Tampeļ eo an Solomon, wōtļo̧k eo an Jerusalem, im jipo̧kwe eo an bwijin Juda kar waļo̧k ilo 586 BC.

    “Israel was conquered in about 720 B.C.E., and its 10 tribes driven into exile. … ““Israel ekar bōke ilo emaron̄ 729 B.C.E., im bwij ko an 10 kar kadiwōjļok er n̄an jojoļāār, [ilo] Jerusalem …Tampeļ eo an Solomon ekar ioon jet kakkure ko jān kajoor in likūn ko, m̧okta jān an āliktata, ilo 586 B.C.E., kar kanooj in kakkure jān jarin tariņae eo an Nebuchadnezzar, kiin̄ in Babylon eo ” (David B. Green, “The History of the Jewish Temple in Jerusalem,” HaaretzAug. 11, 2014, haaretz.com/jewish/.premium-history-of-the-temple-in-jerusalem-1.5256337). Lale barāinwōt 2 Kiin̄ 25:8–9.

  20. Lale Tad R. Callister, The Infinite Atonement (2000).

  21. Russell M. Nelson, “Children of the Covenant,” Ensign, May 1995, 33; see also “Covenants,” Liahona, Nov. 2011, 88.

  22. Lale Russell M. Nelson, ilo R. Scott Lloyd, “Seminar for New Mission Presidents: ‘Swift Messengers’ to Scattered Israel,” Church News, July 13, 2013, thechurchnews.com. Būrejtōn Russell M. Nelson kar kwaļo̧k bwe aiintok eo “ejjab kōn jikin eo, ej kōn juon kallim̧ur an kajjojo armej. People can be ‘brought to the knowledge of the Lord’ [3 Nephi 20:13] without leaving their homelands” (“The Gathering of Scattered Israel,” Liahona, Nov. 2006, 81). Lale barāinwōt 3 Nipai 21:1–7.

  23. Katak eo an Kabun̄ in ad ealikkar; Irooj ar kajjeplōklōke im kaen̄tanaane bwij ko jon̄oulruo an Israel kōnke jab wānōk im jum̧ae eo aer. Ijoke, Irooj eaar barāinwōt kōjerbale kajjeplōklōk in an armej rein An kāālet ilubwiljin aelōn̄ ko an laļ in n̄an kōjeraam̧m̧ane aelōn̄ kein. (Lale Unin Tōl n̄an Jeje ko Rekwojarjar, “Israel—Ejjeplōklōk eo an Israel,” scriptures.ChurchofJesusChrist.org.)

  24. Spencer W. Kimball, The Teachings of Spencer W. Kimball, 439.

  25. Summary heading in Spencer W. Kimball, The Teachings of Spencer W. Kimball, 438. Bar lale “All Are Alike unto God,” ed. E. Dale LeBaron (1990), a collection of 23 conversion stories by Black African Latter-day Saints. Sister Julia N. Mavimbla ekar ba m̧okta jān an kobatok ilo Kabun̄ in im itok n̄an jeļā naan eo Israel, liin ekōn “likūt bok eo iturejet im ba, ‘ekar n̄an rimmouj ro, ejjab n̄an kōj. Ejjab n̄an kōm. Jaar jab kāālet.’ Rainin ijeļā ij uwaan juon baam̧le eutiej, eļan̄n̄e ij mour jim̧we. Ij juon Riisrael, im n̄e ij kōm̧m̧ani kain̄i ko aō ilo tampeļ, ij meļeļe en̄jake eo bwe jej aolep pād ioon laļ in āinwōt juon baam̧le” (ilo “All Are Alike unto God,” 151).

  26. Katak im Bujen Ko 1:2.

  27. Spencer W. Kimball, The Teachings of Spencer W. Kimball, 438.

  28. Russell M. Nelson, “Hope of Israel.”

  29. Rijilōk Paul ekar katakin eo m̧ōttan edik Timote n̄an “kwōn … juon jon̄ak n̄an ro rej tōmak” (1 Timothy 4:12).

  30. Lale 3 Nipai 18:24.

  31. Lale Mosaia 18:8–13; 3 Nipai 18:25; Katak im Bujen Ko 18:10–16; 31:5; 62:3

  32. Katak im Bujen Ko 138:57.