M̧ōttan ko Rem̧m̧an jān M̧ōttan eo Kein kajuon in 193 in Kweilo̧k eo Eļap

“Kar najidrik kōj ilo jetōb ilo raan ko ruo rej mootļo̧k,” Būreejtōn Russell M. Nelson ekar ba ilo jem̧ļo̧kin in 193 Kweilo̧k eo Eļap Kein Kajuon an Kabun̄ eo an Jisōs Kraist im Armij ro Rekwojarjar ilo Raan-ko Āliktata (lale peij 127). Kwojkwoj jab in ekar kitbujj kapilōk eo n̄an arin Jisōs Kraist—bōk jikin akweel kōn iakwe erreo, turiamo, im aenōm̧m̧an (lale Būreejtōn Nelson, peij 98: bar lale Elder ro Christofferson im Soares, peij 77 im 85).

“Ij kajjitōk ippam̧ n̄an etale mour in rikaļoor eo am̧ ilowaan wōt jekjek in wāween eo kwoj kōm̧m̧an n̄an ro jet,” Būreejtōn Nelson ekar ba. “Ij kōjeraam̧m̧an kom̧ n̄an kōm̧m̧an jabdewōt oktak ko me remaron̄ in menin aikuj bwe bōnjam̧ en leļo̧k kautiej, jeļā ņae, im ribōk jikin juon rikaļoor em̧ool an Jisōs Kraist” (peij 98)

Ippān Būreejtōn Nelson, ritōl ro jet an Kabun̄ in kar kean̄ bwe uwaak eo n̄an kajjitōk ko, apan̄ ko, inepata ko, im jorrāān ko loi ilo wanjon̄ak eo, katak ko, Pinmuur eo, im Jerkakpeje eo an Rilo̧mo̧o̧r Jisōs Kraist, eo ej letok n̄an kōj “menin letok an aenōm̧m̧an” (Būreejtōn Eyring, peij 29; bar lale Būreejtōn Oaks, peij 102; Būreejtōn Johnson, peij 81 im Elder Meurs, peij 39). RIkōnono ro rekar kōketak kōj n̄an mije Rilo̧mo̧o̧r eo (lale Elder Camargo, peij 64), kabun̄jar n̄an E (lale Elder Stevenson, peij 6), itok n̄a E (lale Būreejton Cordon, peij 10), jerbal in karejar āinwōt E enaaj kar jerbal in karejar (lale Elder ro Gong im Uceda, peij 16 im 70), im kōkm̧anm̧anļo̧k ad rikaļoor (lale Elder ro Bednar, Rasband, im Bragg, peij 123. 108, im 60).

Ritōl ro an Kabun̄ in raar barāinwōt kōketak kōj n̄an kaorōk kōjeraam̧m̧an ip petraik eoa d. Ro rejanin kar bōk kōjeraam̧m̧an eo an petriak kar kapilōk er n̄an jar kōn “n̄e iien eo ejim̧we” n̄an bōk juon (lale Elder ro Bennett im Yamashita, peij 42 im 88).

Būreejtōn Nelson, eo ekar kōjjeļļa kōn ekkal ko an 15 tampeļ kāāl ko, kar kakeememej kōj, “Jisōs Kraist ej un eo jej kalōk tampeļ ko” (peij 127; bar lale Elder ro Renlund, De Hoyos, im Duncan, peij, 35, 52, im 95).

Jekar reejtak ļalem Ritōl ro Routiej Jiljilimjuonn̄oul, im juon Būreejtōnji ekāān an Doulul eo an Jiron̄, juon uwaan Būreejtōnji eo Eutiej an Likao ro, ilo ad kar leļo̧k kam̧m̧oolol in bōro n̄an ro me kar kōtļo̧k er ilo O̧kwoj 1, 2023.

Ilo ad bar etale kweilo̧k eo eļap, ekkatak ennaan ko, im “kōlmenļo̧kjen kōn mool ko kar katakin” (Būreejtōn Nelson, peij 127), jjenaaj ippān ro rekar kōnono, en̄jake juon ikdeleel n̄an kōnono kōn, lan̄lōn̄ kōn, katakin kōn, im kam̧ool kōn Jisōs Kraist—unjen lo̧mo̧o̧r eo ad (lale 2 Nipai 25:26).