“Elder Bradley R. Wilcox,” Liaona, Māe2 023.
Brother Bradley R. Wilcox
Rikakpilōklōk eo Kein Kajuon ilo Būreejtōnji eo Eutiej an Doulul eo an Likao ro
Iiiō ko m̧oktaļo̧k jān an kar jerbal āinwōt juon rikapilōklōk ilo Būreejtōnji eo Eutiej an Likao ro, Brother Bradley R. Wilcox im kōrā eo pāleen, Debi, kar jilkinļo̧k ļaddik eo nejier 14 iiō dettan eabōb in etal n̄an Especially for Youth (EFY) ilo Brigham Young University.
Rekar inepata bwe ekar “ejjeļo̧k jabdewōt en̄jake ko ilo jetōb ippān.” Jodikdik ro kar jepļaak n̄an m̧0ko ilo aer oktak—ļeapļo̧k aer pedped ioon im pidodo aer en̄jake men ko an jetōb. Kiiō, iiō ko tokālik, ej jerbal ilo juon bisoprik im jipan̄ jodikdik ro ilo ward eo an make.
En̄in ej ta eo Brother Wilcox ekar kaimjōke im bar kalimjōke jōm̧m̧ar eo ļo̧k ke jodikdik in Armej ro Rekwojarjar ilo Raan-ko Āliktata aolepān laļ in raar bōk koņaer ilo N̄an Kōkajoorļo̧k Jodikdik ro (N̄KJ) kweilo̧k ko. Āliji im bar āliji, ro “raar jab jeļā raar kōņaan itok” rekar jepļaak n̄an m̧ōko oktak im em̧m̧anlo̧k.
Brother Wilcox—eo ej jerbal āinwōt Rikapilōklōk eo Kein Karuo ilo Doulul eo Eutiej an Likao ro jān 2020 eo im kar rejtake āinwōt Rikakpilōklōk eo Kein Kajuon ilo Eprōļ 2023 kweilo̧k eo eļap—ekar ba menin ekar juon iien ekaitoktok limo n̄an jerbal n̄an jodikdik in Armej ro Rekwojarjar ilo Raan-ko Āliktata. Būreejtōnji ko an Doulul eo an Likaro im Jiron̄ ro rej jerbal ippān doon aolep iien, im “kweilok ko an N̄KJ ro, tōl, im maakjiin eo rej tōparļo̧k elōn̄ļo̧k jodikdik ro jān kar m̧okta.”
Bradley Ray. Wilcox, 63, kar ļotak ilo Provo, Utah, USA, ilo Tijem̧ba 25, 1959, n̄an Ray T. Wilcox im Val C. Wilcox. Ekar rūttoļo̧k ilo Provo bōtaab joļo̧k jejjo iiō in ajri ko an ilo Ethiopia.
Ālkin jerbale juon mijen edipio ilo Viña del Mar, Chile, Brother Wilcox ekar m̧areik Deborah Gunnell ilo Provo Utah Tampeļ ilo Oktoba 1982. Rej jinen im jemān emān ajri ro im rej jokwe ilo Provo, Utah, USA.
Brother Wilcox ekar bōk bachelor im master degree ko an jān Brigham Young Univeristy (BYU) im doctorate degree eo an ilo education jān University of Wyoming. Ej kiiō juon professor ilo Ra eo an Ancient Scripture ilo BYU. Jān 1985 eo, ekar wujlepļo̧k eitōn aolep jōm̧m̧ar ko an n̄an burookram in N̄KJ eo an BYU.
Brother Wilcox ekar jerbal āinwōt juon bisop im juon stake būreejtōn, āinwōt juon būreejtōn an Chile Santiago East Mission, im ej pād ilo board eo eutiej an Jabōt Jikuuļ.