“Elder J. Kimo Esplin,” Liaona, Māe 2023.
Elder J. Kimo Esplin
Ritōl Eutiej an Jiljilimjuonn̄oul an Kabun̄ in
Jejjo allōn̄ ālkin mijen eo an, Elder J. Kimo Esplin ekar pād ilo juon itaak in waan ettōr eo ekar kamej jemen. Jejjo allōn̄ tokelik, ilo an jinen jijōt wōt turin, waan ettōr eo waan kar dibōje jān itulik. Wa eo ekar jabūlbūl, im kar mej jinen im leddik eo nej kar nejin.
Mekarta jorreen ko im kabūrom̧ōjmōj eo ekar en̄jaki, Elder Esplin ekar watake e make rijeraam̧m̧an. Ej kile bwe en̄jake jab eo ej n̄an Irooj im em̧m̧an eo An im tūriam̧o kake ko.
“Mour elakkar em̧m̧an wōt,” ekar ba.
Juon iaan jabōn kōnnaan eo rem̧m̧an tata an ej, “Irooj ejjab kōm̧m̧ane n̄an kwe; E ej kōm̧m̧an kōn kwe.”
Kōn jako eo an ro jinen im jemeen, leddik eo jein ekar jipan̄ kōļļāik jidik in wōn̄āān im kar jilkinļo̧k e n̄an ekaktak ettoļo̧k ilo Brigham Young Universty Jerusalem Center eo. Ijo, ekar ioon e Kaye Davis.
Rein ruo raar erom m̧ōttā ke kumi eo aer ekar jokwe ilo āne jem̧aden in Sinai, im kar ekkatak Kallim̧ur M̧okta im Kallim̧ur Ekāāl ippān doon.
Ālkin kar roolļo̧k n̄an Provo, Utah, rekar jino date. Rekar m̧are ilo Salt Lake Temple ilo Tijem̧ba 1985 eo. Ewōr ruwalitōk nejierro ajri ro.
Jon Ross Kimo Esplin ekar ļotak ilo O̧kwoj 18, eo ilo Kahuku, Hawaii, USA. Ekar ajri eo edik tata—im m̧ake wōt ļadrik—iaan ajri ro ruwalitōk nejin Ross S. im Olive Ora Moody Esplin.
Elder Esplin ekar bōk juon an degree in accounting jān Brigham Young University ilo 1987 eo Ālkin an kar kōm̧akūt baam̧le eo an n̄an Chicago, Illinois, ekar jino jerbal eo an ilo investment banking im kar bōk an master degree in business administration.
Ke Elder Esplin ekar erom juon executive vice būreejtōn im chief financial opija n̄an Huntsman Corporation, baam̧le eo rekar bar em̧akūt n̄an Belgium ilo juon iien ekadu m̧okta jān aer tōt wōt ilo Cottonwood Heights, Utah.
Elder Esplin, eo ekar juon Eria Jiljilimjuonn̄oul ilo iien kūr eo an āinwōt juon Ritōl Eutiej Jiljilimjuonn̄oul, kar jerbal āinwōt juon mijen būreejtōn an Japan Tokyo im Japan Tokyo South Mission ko. Āinwōt juon mijenede jerbal aolep raan em̧m̧an ded, ekar jerbal ilo Japan Kobe Mission. E ekar barāinwōt jerbal āinwōt juon stake būreejtōn, high counsilor, im bisop.