Sister Tamara W. Runia

Rikakpilōklōk eo Kein Kajuon ilo Būreejtōnji eo Eutiej an Doulul eo an Jiron̄ ro

Ilo aolepān mour eo an, Sister Tamara (Tammy) W. Runia ekar bōk elōn̄ kūr ko—rūkaki an jeje ko rekwojarjaran stake, juon rikapilōklōk ilo būreejtōnji an Doulul eo an Kōrā ro ilo stake, ritōl ippān leo pāleen an Australia Sydney Mission eo—bōtaab liin ekar joļo̧k eļap wōt iien jerbal in jipan̄ eo an ippān Doulul eo an Jiron̄ ro.

“Ikar iakwe aolep kūr ko ikar jerbal ie,” liin Sister Runia, eo ekar jerbal āinwōt juon būreejtōn an Doulul eo an Jiron̄ ro ilo stake. Bōtaab, liin ekar kakobaba, “Ij aikuj in ba ij en̄jake āinwōt m̧weo ippān Dulul eo an Jiron̄ ro.”

Sister Runia ekar ba em̧ōj an pād ilo camp ko an Doulul eo an Jiron̄ ro elōn̄ļo̧k jān 20 alen. Juon iiō liin em̧ool ekar kajjitōk ippān n̄an pād ilo juon kāām an ripinnik (cheerleader).

Liin ej kōņaan bwe aolep jiron̄ ro ren jeļā ewi jon̄an an Jemeer Ilan̄ iakwe er. Iakwe jab in ej “depakpak āinwōt lan̄ im m̧wilaļ āinwōt lojet,” liin ekar ba. Jemed Ilan̄, liin ekar kakobaba, “ej kōņaan bwe aolepeer ren jepļaak n̄an kapijuknen.”

Liin ekar ba en̄jake ekkejel eo enaaj juon eo ej ukōt mour n̄an jiron̄ ro “kōnke ekar n̄an n̄a.”

Sister Runia ekar ļotak ilo M̧aaj 2, 1961, ilo Concord, California, USA, n̄an Vincent Alma Wood im Gail Hilton Wood. Liin ekar rūttoļo̧k ilo Walnut Creek, California.

Liin ekar juon freshman ilo Brigham Young University ekkatakkōn broadcast journalism ke ekar ioone R. Scott Runia. Rekar m̧are ilo Māe 1981 eo ilo Oakland California Tampeļ. Ewōr jiljilimjuon nejier ajri ro im rej jokwe ilo Provo, Utah kiiō.

Kar rejtake Sister Runia ilo kweilo̧k eo eļap an Eprōļ āinwōt Rikapilōklōk eo Kein Kajuon ilo Būreejtōn eo Eutiej an Doulul eo an Jiron̄ ro. Liin enaaj jino jerbal eo an ilo O̧kwoj 1.

Ilo kakobaba n̄an jerbal in jipan̄ eo an ilo Kabun̄ in, liin ekar joļo̧k 20 iiō ko ilo board eo an Food im Care Coalition eo ilo Provo, eo me ej leļo̧k kein jipan̄ ko n̄an armej ro ejjeļo̧k m̧weer im ro edik wōņāer.