“Elder Christophe G. Giraud-Carrier,” Liaona, Māe 2023.
Elder Christophe G. Giraud-Carrier
Ritōl Eutiej an Jiljilimjuonn̄oul an Kabun̄ in
Tōparļo̧k joļap eo an, Elder Christophe G. Giraud-Carrier ekar wōr an karōk ko reļļap—ijjino juon iaļ in college epoub, bōk juon jeļāļo̧kjen ekarumijļo̧k jerbale juon mijen edipio, m̧areik eo m̧ōttan jān jodikdik em̧m̧an, innām jino mour in baam̧le im an jerbal āinwōt juon engineer in laļ eo an make France.
Ilo an mijen im m̧are ilo̧k ekkar n̄an kar karōk, kōtmene ko jet raar jab. Karum̧wijļo̧k eo ekar jab waļo̧k, bōtaab juon em̧m̧akūtļo̧k n̄an Brigham Young University (BYU) ekar, itok ippān tok juon kar ikdeelel n̄an katakin ilo jon̄ak eo an university. Jerbal ko ilo universtity ilo France rekar jabwe n̄an juon eo ekar ekkatak ilikin laļ eo, kōn menin karūttoļo̧k juon baam̧le, wōr jerbal rooktak jān doon, im jerbal ilo Kabun̄ in raar itok ilo laļ ko rooktak jān doon im ilo iien eo an Irooj.
“M̧ool eo de in bwe aolep men ko jejjo kar waļo̧k ilo wāween eo me kōm kar karōk ekar kōtļo̧k bwe kōm jim̧or en kar kile bwe eļan̄n̄e Irooj ej kōm̧m̧an men ko An im bōk kōj n̄an jikin ko, innām en̄in ej ia eo E ekōņaan bwe jen pād ie im en̄in ej ijo jemaron̄ jerbal ie,” Elder Giraud-Carrier ekar ba. “Ekar jipan̄ kōm ekkatak n̄an lōke E, n̄an lōke bwe E maron̄ kōm̧m̧an bwe mour ko am̧ ren ļapļo̧k jān jon̄an eo jemaron̄ kar.”
Christophe Gérard Giraud-Carrier ekar ļotak ilo Jānwōde 21, 1966, ilo Lyon, France n̄an Gérard Giraud-Carrier im Annie Giraud-Carrier. Ālkin jerbal in mijenede eo an edpio ilo Canada Montreal Mission, ekar m̧areik Isabelle Sophie Mauclair ilo Juļae 1988 ilo Cholet, France. Rekar liāp jilu raan tokālik ilo Bern Switzerland Temple. Rej jinen im jemān ruwalitōk ajri ro.
Ālkin an kar bōk bachelor, master, im doctoral degree ko an ilo computer science jān BYU, Elder Giraud-Carrier ekar jerbal āinwōt juon senior lecturer n̄an University eo an England Bristol im āinwōt juon senior manager n̄aan Switzerland’s ELCA Informatique m̧okta jān kar joļo̧k 19 iiō ko āinwōt juon professor an computer science ilo BYU.
Ilo iien kūr eo an āinwōt juon Ritōl Eutiej Jiljilimjuonn̄oul, Elder Gérard Giraud-Carrier ekar jerbal āinwōt juon stake būreejtōn ilo Provo Utah YSA 16th Stake, Kūr ko an ilo Kabun̄ in ekoba jerbal āinwōt būreejtōn an France Lyon Mission, high councilor, im bisop.