“Elder Michael T. Nelson,” Liaona, Māe 2023.
Brother Michael T. Nelson
Rikapilōklōk eo Kein Karuo ilo Būreejtōnji eo Eutiej an Doulul eo an Likao ro
N̄an Brother Michael T. Nelson, iien eo an āinwōt juon mijen būreejtōn ekar kapen bwe katakin diktak in epepen eo pedped in katak ko rejim̧we innām lōke er ej kwaļo̧k tōprak ko rem̧m̧an tata—jim̧or n̄an jerbal in mijenede im ilo mour ko an kajjojo mijenede ro.
“Ej aolep men kōn lōke. Jej ekkatak n̄an lōke er,” ekar ba kōn jerbal ippān mijenede ro rej jerbal aolep raan ilo California San Bernardina Mission eo, ijo Nelson ro rekar jerbal āinwōt ritōl ro an mijen jān 1998 n̄an 2001 eo.
Brother Nelson ej ba bwe ekkatak—im leļo̧k iien eo em̧m̧an n̄an jodikdik ro n̄an tōl—elakkar pād wōt juon m̧ōttan emenin aorōk an jerbal in jipan̄ eo an ilo Kabun̄ in im enaaj wōnm̧aanļo̧k wōt ilo kūr eo an ekāāl ilo Būreejtōnji eo Eutiej an Doulul eo an Likao ro. Ilo iiō ko jilu rej jem̧ļo̧kļo̧k, Brother Nelson ekar jerbal āinwōt juo executive secretary n̄an Būreejtōnji eo Eutiej an Doulul eo an Likao ro. Ilo iiō ko ruo im̧aanļo̧k, ekar jerbal āinwōt juon uwaan ta eo kiiō ņa etan Ko̧onjeļ in Kapilōk eo Eļap (General Advisory Council) an Doulul eo an Likao ro.
Michael Terry Nelson ekar ļotak ilo Juun 10, 1956, ilo Salt Lake City, Utah, USA, n̄an Monte Cannon im Viola Eliza Nelson im kar rūttoļo̧k ilo Salt Lake eria eo. Ālkin an kar jerbal ilo Chile Santiago Mission eo, ekar ekkatak organizational communications ilo Brigham Young University im University of Utah. Ilo 1982 eo ļein ekar m̧areik Barbara Fluckiger ilo Jordan River Tempļe. Nelson ro rekar jokwe ilo Sandy, Utah, m̧okta jān em̧m̧akūtļo̧k n̄an Wallsburg, Utah. Ewōr ruwatimjuon nejier ajri ro.
Brother Nelson ej juon chief financial opija n̄an juon commercial im residential real estate im investment company. Nelson ro, ekoba ruo ajrirej jokwe m̧weo, rej barāinwōt lale juon farm jidikdik ilo bwidej eo aer. Kōn aer jerbal im jolo̧k iien ilo meļan ko inam̧ōj aikuj aorōk n̄an jodikdik ro an Kabun̄ in, Brother Nelson ej ba, āinwōt an kar n̄an baam̧le eo an.
Brother Nelson ekar bar jerbal āinwōt juon stake būreejtōn, rikapilōklōk ilo juon stake būreejtōnji, stake executive secretary, bisop, im būreejtōn an Doulul eo an Likao ro ilo ward im stake. Ekar jipan̄ kōn kōm̧m̧an jāān, register, im logistics ilo 1997 eo n̄an sesquicentennial wagon train eo me kar bar tieta kōn iaļ eo an company eo kein kajuon n̄an Salt Lake Valley.