Būreejtōn Johnson im Būreejtōn Cordon rej Loļo̧k Africa

Būreejtōn ro Reutiej an Doulul ko an Kōrā ro im Jiron̄ ro rekar etal n̄an ijoko rear im ioļap in Africa ilo M̧aaj eo n̄an lo̧ļo̧k Armej ro Rekwojarjar ilo Raan-ko Āliktata im ritōl ro an kien im n̄an lo̧ļo̧k jikin ko an humanitarian. Būreejtōn eo Eutiej an Doulul eo an Kōrā ro Būreejtōn Camille N. Johnson im Būreejtōn eo Eutiej an Doulul eo an Jiron̄ ro Būreejtōn Bonnie H. Cordon kar jino jerbal in karejer eo aer ruatimjuon raanilo Nairobi, Kenya.

Būreejtōn Cordon ekar etal n̄an Kenya, Uganda, Democratic Republic of Congo, im Repubic of the Congo. “Jekar kōnono n̄an ritōl ro an kien ko me ewōr aer ikdeleel n̄an jipan̄ baam̧le ko, im kōm kar kanooj bwilōn̄ kōn ritōl ro me rej kōnaan ļo̧o̧r Jisōs Kraist,” Būreejtōn Cordon ekar ba. “Āinwōt ritōl an juon kabun̄, jej juon wōt ilo kōttōpar n̄an jipan̄ kalōk baam̧le ko, kōn menin ekar juon kabwilōn̄lōn̄.”

Būreejtōn Johnson ekar ilo̧k n̄an itu iiōn̄ rear in Uganda ippān UNICEF (kar m̧okta United Nations International Children’s Emergency Fund, kiiō United Nations Children’s Fund) im kar kweilo̧k ippān Armej ro Rekwojarjar ilo Raan-ko Āliktata ilo Lubumbashi, Democratic Republic of the Congo eo. “Ej juon kijejeto n̄an kōm̧m̧an eļapļo̧k jān membōr ro ad n̄an kōnono kōn aikuj ko—aikuj ko an humanitarian—an ajri ro laļ in, im em̧ōj ad lo er. Ekar aiboojoj, ” Būreejtōn Johnson ekar ba kōn tūreep eo an ippān UNICEF. “Ekar lukkuun en̄jake eim̧we im kabūrom̧ōjm̧ōj ilo ejja iien eo wōt, bōtaab ikar em̧m̧akūt jān ijōņ en̄jake kōjatdikdik.”