“Elder Robert M. Daines,” Liaona, Māe 2023.
Elder Robert M. Daines
Ritōl Eutiej an Jiljilimjuonn̄oul
Elder Robert M. Daines ekar jerbal āinwōt juon law im business professor ilo Stanford University ke kar kūri n̄an jerbal āinwōt juon rūkaki in jemenere in jibbon̄ tata.
Ke kar juon Rikwojarjar aolepen mour eo an, Elder Daines ekar jeļā gospel eo, bōtaab juon men kōn kūr eo ekar iuuni n̄an ekkatak jeje ko rekwojarjar āinwōt ejjab kar m̧okta. Lio pāleen, Ruth, emakijkij an kōn m̧ōkaj an kiki im ruj ilo 4:00 jibbon̄ kōnke ekar aikuji jilu awa ko n̄an kōppopo n̄an katak eo an raan otemjej ippān 15 rijikuuļ ro.
“Jet armij ewōr aer kapeel; jet rej aikuj buuļ jerbal,” ļein ekar ba. “N̄aij pād ilo ‘kwoj aikuj buuļ jerbale’ laajrak eo.”
Elder Daines ekar ba ekar lutōk leplep an ioon jeje ko rekwojarja ium̧win awa ko kajjojo raan kōnke ekar kōņaan jeļā im en̄jake iakwe eo an Rilo̧mo̧o̧r eo innām jipan̄ rijikuuļ ro an kōm̧m̧an ejja ekkejel in wōt. En̄jake in ebōk jon̄oul iiō ekar wōr juon kajoor in jelet ioon tōmak im kamool eo an.
“Ij en̄jake āinwōt ikar lukkuun m̧ool in oktak im itok n̄an jeļā Jisōs Kraist āinwōt juon rūkaki in jemenere ilo Palo Alto, California,” Elder Daines ekar ba, kar reejtake āinwōt juon Ritōl Eutiej Jiljilimjuonn̄oul ilo kweilo̧k eo eļap an Eprōļ 2023.
Robert Merrill Daines ekar lo̧tak ilo Bloomington, Indiana, USA, ilo Juļae 28, 1964, n̄an Robert Henry Daines III im Janet Lundgren Daines. Ekar rūttoļo̧k ilo Provo, Utah, im m̧arreik Ruth Ann Glazier ilo Salt Lake Temple ilo Tijem̧ba 1988. Ewōr ļalem nejier ajri ro.
Elder Daines ekar kadriwojlo̧k jān Brigham Young University mokta jān an bōk juon degree in law ilo Yale University. Ekar jerbal āinwōt juon rijipan̄ ilo Goldman Sachs innām ekar katakin ilo New York University im Yale. Iumin ron̄oul iiō ko rej jem̧ļo̧kļo̧k, Elder Daines ekar jerbal āinwōt juon associate dean im Pritzker Professor ilo Law im Business ilo Stanford University.
Elder Daines ekar jerbal āinwōt juon ej jerbal aolep raan ilo Switzerland Zurich Mission. Kūr ko jet an Kabun̄ in ekoba stake būreejtōn, aae ko̧o̧njeļ, bisop, im ritōl an nursery. Ekar jerbal āinwōt juon stake būreejtōn ilo iien kūr eo an.