“Sister Andrea Muñoz Spannaus,” Liaona, Māe 2023.
Sister Andrea Muñoz Spannaus
Rikakpilōklōk eo Kein Karuo ilo Būreejtōnji eo Eutiej an Doulul eo Eļap an Jiron̄ ro
Āinwōt juon ajri jokwe ilo Argentina, Andrea Veronica Muñoz im leddik eo jein kar etal n̄an juon jikuuļ an Catholic. Rejanin kar jeļā kōn bar jet katak ko an kabun̄ ko jet m̧ae Andrea ekar ruatimjuon iiō dettan. Ej iien eo ke mijinede ro an Rikwojarjar ro Raan-ko Āliktata rekar jino katakin baam̧le eo an kōn gospel eo kar kōjepļaaktok.
Ejjab to ālkin an mijinede ro kar kadedeļo̧k katak ko aer im etal, jinen Andrea ekar kōm̧eļeļe bwe ewōr elōn̄ļo̧k jān juon kabun̄. Andrea ekar kajjitōk ippān jinen kabun̄ ta eo ekar ļōmņak em̧m̧an tata ekar jutak kōn Anij. Jinen ekar uaak, “Ij ļōmņak ej en̄ in”—Kabun̄ eo an Jisōs Kraist im Armij ro Rekwojarjar ilo Raan-ko Āliktata, eo me mijenede ro ej kab m̧ōj aer katakin er kake.
Aolepen mour eo an, Andrea ekar aolep iien “kōņaan kabūn̄ būruōn Anij,” kōn menin ekar inepata kōn kaorōk juon kabun̄ kāāl. En̄jake eo ekar pād wōt jejjo minit ko, ijo wōt ke, im ekar bōk jikin kōn juon ikdeleel n̄an katak eļapļo̧k kōn Kabun̄in.
Baam̧le ekar peptaij, “im kōm kar jino juon mour kāāl,” Sister Spannaus ekar ba. “Ekar juon wāween eo ekanooj em̧m̧an kōn wāween an mour eo an baam̧le eo am kar oktak n̄an kōmwō aolep.”
Andrea Veronica Muñoz Spannaus ekar ļotak ilo Māe 18, 1968, ilo Buenos Aires, Argentina, n̄an Carlos Alberto Muñoz im Elida Menicucci. Liin ekar rūttoļo̧k ilo Béccar, Argentina. Ekar m̧areik Alin Spannaus ilo Buenos Aires Argentina Temple ilo Oktoba 1992. Rej jinen im jemān ruo leddrik ro.
Sister Spannaus ekar bōk juon degree ilo early childhood education, im liin ekar ekkatak art im interior design. Liin ej kiiō jerbal ilo koonjeļ in kapilōklōk eo an Doulul eo an Kōrā ro. M̧oktaļo̧k, ekar jerbal ilo South America South Eria eo ilo Kamiti in Kweilo̧k eo an N̄an Kōkajoorļo̧k Jodikdik ro, ilo FSY Utah Latino Kamiti in Kweilo̧k, im ippān ļeo pāleen āinwōt juon ritōl in Mexico Cuernacava Mission.
Liin ekar bar jerbal āinwōt juon būreejtōn an Doulul eo an Kōrā ro, Jiron̄ ro, im Būraimere, rūkaki in jemenere in jibbon̄ tata, rikapilōklōk an rum̧m̧an ded ro rej kajin Spanish ilo ward, im juon mijenede ilo Argentina Resistencia Mission.