1 Nephi 2–3; 5

Saria

Panagdaliasat ti maysa a babai nga addaan pammati

Nagnaed ni Saria idiay Jerusalem a kaduana ti pamiliana. Ti asawana a ni Lehi ket propeta ti Dios. Maysa nga aldaw, imbaga ti Apo ken ni Lehi a pumanaw iti Jerusalem a kaduana ti pamiliana.

1 Nephi 2:1–3

Adda pammati ni Saria iti Apo. Pinanawanna ken ti pamiliana ti pagtaenganda. Pinanawanda ti balitok ken pirakda tapno kumuyogda ken ni Lehi iti langalang.

1 Nephi 2:4–5

Nangitugot da Saria ken Lehi iti taraon ken dadduma pay a banag a kasapulanda. Kalpasan ti panagdaliasatda iti adu nga aldaw, nangipasdekda kadagiti tolda a pagyananda iti langalang. Kalpasanna, nangbangonda iti altar ket nagyamanda iti Apo iti tulongna.

1 Nephi 2:4, 6–7, 15

Maysa nga aldaw kiniddaw ti Apo kadagiti annak a lallaki da Saria ken Lehi a mapan idiay Jerusalem ket alaenda dagiti pinanid a gambang. Nagbuteng ni Saria idi saanen a nagsubli dagiti annakna a lallaki. Impagarupna a nataydan. Liniwliwa ni Lehi ni Saria. Pinilida ti agtalek a salaknibanto ti Apo dagiti annakna a lallaki.

1 Nephi 3:1–2, 4–6; 5:1–6

Napno iti rag-o ni Saria idi nagsubli dagiti annakna a lallaki manipud iti Jerusalem. Ita ammona a sinalakniban ida ti Apo. Nagtalek nga ikkan ida ti Apo iti bileg a mangaramid iti no ania ti kiniddawna. Naragsak ti sibubukel a pamilia ni Saria, ket nagyamanda iti Apo.

1 Nephi 5:7–9