“Ti Katulongan a Babai a Nephite,” Dagiti Estoria iti Libro ni Mormon (2023)
Ti Katulongan a Babai a Nephite
Tumultulong a mangsalaknib kadagiti taona
Maysa a katulongan a babai a nagtrabaho iti maysa a lider a Nephite nga agnagan iti Morianton. Ni Morianton ti mangpatpataud iti riribuk kadagiti tao. Dinarupna ti maysa a grupo dagiti Nephite ket pinadasna nga alaen ti dagada. Kalpasanna plinanona ti agdaliasat nga agpaamianan a kakuyogna dagiti taona tapno alaenna ti daga sadiay.
Maysa nga aldaw, nakapungtot ni Morianton iti katulongan a babai. Madi unay ti panangtratona kenkuana ken dinangranna. Naglibas ti katulongan a babai ket nagtaray a napan iti kampo ni Kapitan Moroni. Imbagana ken ni Moroni maipapan dagiti dakes nga inaramid ni Morianton. Namati ni Moroni kenkuana.
Kinuna pay ti katulongan a babai a kayat ni Morianton ti pumanaw ken alaenna ti daga iti amianan. Nagdanag ni Moroni. Mabalin nga agpeggad dagiti Nephite no alaen ni Morianton ti daga iti amianan. Mabalin a daytoy ti pakaigapuan ti pannakapukaw dagiti tao iti wayawayada.
Nangibaon ni Moroni iti maysa a buyot a manglapped ken ni Morianton. Kinaranget dagiti tao ni Morianton ti buyot ket naabakda. Inkarida nga agbalinda a managkappia ket nagsublida iti dagada. Gapu ta pinakdaaran ti katulongan a babai ni Moroni, nagtalinaed a natalged dagiti siudad a Nephite.