1 Nephi 18

Ti Bagyo iti Baybay

Panagsapul iti talna iti Apo

dagiti pamilia a mangmangyeg iti taraon iti bapor

Imbaga ti Apo ken ni Lehi nga orasen ti panaglugan iti bapor. Nangbalkot dagiti pamilia iti adu a taraon a kanenda bayat ti panagdaliasatda. Kalpasanna limmuganda amin iti bapor ket naglayagda nga agturong iti naikari a daga.

1 Nephi 18:5–8

tattao nga agiinom bayat ti kaaddada iti bapor

Kalpasan ti adu nga aldaw iti baybay, nangrugin nga awan panagdayaw ken naulpit ti sumagmamano kadagiti tao. Nalipatanda a tinulongan ida ti Apo.

1 Nephi 18:9

Da Lemuel, Nephi, ken Laman iti bapor nga adda sumungsungad a bagyo

Madanagan ni Nephi amangan ta makariribukda iti Apo. No awan ti tulong ti Apo, saan a natalged ti baporda. Kiniddaw ni Nephi kadagiti kakabsatna a lallaki a sumardengda.

1 Nephi 18:10

Da Laman ken Lemuel a mangpungpungo ken ni Nephi

Kinagura da Laman ken Lemuel ni Nephi. Pinungoda ket natangsitda kenkuana. Saanda a nagtulnog iti Apo, ket nagsardeng a nagandar ti Liahona. Di nagbayag, dimteng ti dakkel a bagyo. Kalpasan ti tallo nga aldaw iti bagyo, nagbutengda amin amangan ta malmesda.

1 Nephi 18:10–13

babai nga agpakpakaasi kada Laman ken Lemuel

Impakaasi ti pamilia ni Nephi kada Laman ken Lemuel a ruk-atanda ni Nephi. Ngem saan latta nga ipalubos da Laman ken Lemuel a ruk-atan ti asino man ni Nephi. Nagleddaang da Saria ken Lehi ket nagsakitda iti nakaro. Saan a nagsardeng ti bagyo.

1 Nephi 18:17–19

Ni Nephi nga addaan iti Liahona

Iti maikapat nga aldaw, ammo da Laman ken Lemuel a dandanin lumned ti bapor. Nagbabawida ket rinuk-atanda ni Nephi. Idi nagkararag ni Nephi, nagsardeng ti bagyo. Nagandar manen ti Liahona. Inusar ni Nephi daytoy a mangiturong iti bapor iti umno a direksion.

1 Nephi 18:14–15, 20–22

dagiti pamilia a pumanpanaw iti bapor ken ni Lehi nga agkarkararag

Kalpasan ti adu nga aldaw, nakadanon dagiti pamilia iti naikari a daga.

1 Nephi 18:23