Mangisuro ni Jesus kadagiti Tao

Panangtulong kadakuada a mangadal iti ebangheliona

Agparintumeng ken makisarita ni Jesucristo kadagiti naragsak nga ubbing, ket adu a naragsak a tattao ti agparintumeng iti aglawlawda ket dumngegda

Naragsakan dagiti tattao iti Americas a nakakita ken ni Jesucristo ken nakangngeg Kenkuana a mangisuro. Adun a tawen nga inur-urayda ti iyaay ti Mangisalakan.

3 Nephi 11:10, 17

Agtaktakder ni Jesucristo iti tengnga dagiti naragsak a tattao ken isurona ida

Insuro ni Jesus kadakuada ti adu a bambanag a kas iti insurona kadagiti tattao nga adda iti asideg ti Jerusalem. Insurona ida a maaddaanda iti pammati, agbabawi, ken agpabuniagda. No aramiden dagiti tao dagitoy a banag, ibaon ti Dios kadakuada ti Espiritu Santo. Insuro ni Jesus kadakuada no kasano ti agkararag. Indawatna kadakuada a pakawanenda dagiti dadduma. Kayatna nga agbalinda a pagwadan kadagiti dadduma.

3 Nephi 11:31–39; 12:22–24, 44; 13:5–14; 17:8; 18:15–24

Imbaga ni Jesus kadagiti tao nga agawidda ken agkararagda iti Dios tapno tulonganna ida a maawatanda no ania ti insurona kadakuada. Kinunana nga agsublinto iti kabigatanna.

3 Nephi 17:1–3

agtugtugaw dagiti tao iti aglawlaw ti apuy ken agsasaritada

Iti dayta a rabii, imbaga dagiti tao kadagiti sabsabali a nakitada ni Jesus. Nagsaritada maipapan kadagiti bambanag nga imbagana ken inaramidna. Adu a tattao ti nagdaliasat iti intero a rabii tapno makitada ni Jesus.

3 Nephi 19:1–3

mangisuro dagiti disipulo kadagiti dadakkel a grupo dagiti tao

Kabigatanna, naguummong dagiti tao agraman dagiti sangapulo ket dua a disipulo ni Jesus. Insuro dagiti disipulo kadagiti tao ti amin nga insuro ni Jesus. Nagparintumengda iti daga ket nagkararagda.

3 Nephi 19:4–8

Agparintumeng ken agkararag ni Jesucristo, ken agparintumeng dagiti dadduma a tattao iti aglawlawna ket agkararagda met

Kalpasanna, immay ni Jesus. Inkararaganna dagiti disipulona ken dagiti tattao. Nagkararag met dagiti disipulo. Nangrugida nga agraniag a kas iti Mangisalakan. Naragsakan ni Jesus. Nagbalinen a nadalus dagiti disipulo gapu iti pammatida Kenkuana. Nagkararag manen ni Jesus, ket nangngeg dagiti tao dagiti nakaskasdaaw a bambanag a sinaona.

3 Nephi 19:15–36

maysa a naragsak nga ubing ti mangawis iti maysa a tao nga umay ken makikadua kadagiti tattao a dumdumngeg ken ni Jesucristo

Iti simmaruno a sumagmamano nga aldaw, insuro ni Jesus kadagiti tao ti adu a banag maipapan iti plano ti Nailangitan nga Ama. Inranudna pay ti sakramento kadakuada. Amin a tattao iti daga namatida ken Jesucristo ket nabuniaganda. Inawatda ti sagut ti Espiritu Santo.

3 Nephi 20–27; 4 Nephi 1:1–2

agtitinnulong dagiti tao nga umasideg ken ni Jesucristo, ket makisarita ni Jesucristo kadakuada ken umisem

Nagtitinnulong dagiti tao ken inbinglayda ti amin nga adda kadakuada. Inaramidda ti amin nga imbilin ni Jesus nga aramidenda. Naawaganda iti Simbaan ni Cristo Naragsakan unay ti Nailangitan nga Ama ken ni Jesucristo kadagiti tattao.

3 Nephi 26:17–21; 27:30–31; 4 Nephi 1:3–18