Helaman 3–6

Dagiti Agkabsat a Nephi ken Lehi

Idedengngeg iti timek manipud iti langit

mangisuro dagiti agkabsat a Nephi ken Lehi kadagiti tao, ket adda iti asideg ti buyot dagiti Lamanite

Agkabsat da Nephi ken Lehi nga agtarigagay iti tunggal maysa a mangammo iti ebanghelio ni Jesucristo. Naggiginnubat dagiti Nephite ken Lamanite, ngem nangisuro latta dagiti agkabsat kadagiti tao manipud iti agsumbangir a grupo. Maysa nga aldaw bayat ti panagdaliasatda a mangisuro kadagiti tao, impan ida ti maysa a buyot dagiti Lamanite iti pagbaludan.

Helaman 3:20–21, 37; 4:4–5, 14; 5:4–21

Magna ti buyot dagiti Lamanite nga agturong iti pagbaludan a nakaipupokan da Nephi ken Lehi

Adu nga aldaw kalpasanna, immay ti buyot iti pagbaludan a mangpatay kada Nephi ken Lehi.

Helaman 5:22

salakniban ti adigi nga apuy ken lawag da Nephi ken Lehi, matumba dagiti soldado, ket agparang ti ulep ti sipnget

Sakbay a makadangran ti asino man kada Nephi ken Lehi, nagparang ti adigi nga apuy iti aglawlawda. Saan nga inuram ti apuy ida. Ketdi, sinaluadan ti Dios ida. Kalpasanna, nagunggon ti daga. Kasla marba dagiti pader ti pagbaludan. Di nagbayag, maysa nga ulep ti sipnget ti nangabbong iti amin iti pagbaludan. Kasta unay ti buteng dagiti tao.

Helaman 5:23–28

dagiti tao nga agtaktakder iti ulep ti sipnget a kumitkita iti maysa a silnag ti lawag

Adda timek a naggapu iti ngato ti ulep ti sipnget. Naalumamay a timek, a kasla arasaas, ngem mangngeg ti tunggal maysa iti puspusoda. Daytoy ti timek ti Dios. Imbaga ti Dios kadakuada nga agbabawida.

Helaman 5:29–30, 46–47

kumitkita dagiti lallaki ken babbai babaen kadagiti nawarwara nga ulep ti sipnget

Ad-adda pay a nadayyeg ti daga ken nagunggon ti pagbaludan. Immay manen ti timek ket imbagana kadagiti tao nga agbabawida. Saan a makagaraw dagiti tao gapu iti ulep ken ti butengda.

Helaman 5:31–34

Itudo ni Aminadab da Nephi and Lehi, a sumilsilnag ken tumangtangad

Maysa a tao iti ummong ti agnagan iti Aminadab. Kameng isuna idi ti Simbaan ti Dios. Nakitana a nangrugi nga agsilnag ti rupa da Nephi ken Lehi. Kaslada la anghel. Kasla adda kasarsaritada idiay langit. Imbaga ni Aminadab iti tunggal maysa a kumitada kada Nephi ken Lehi.

Helaman 5:35–39

adu a lallaki ken babbai ti kumitkita iti ulep ti sipnget ken agkarkararagda

Dinamag dagiti tao ken ni Aminadab no ania ti mabalinda nga aramiden tapno maikkat ti ulep ti sipnget. Imbinglay ni Aminadab ti ammona maipapan iti Dios ken ni Jesus. Imbagana kadagiti tao nga agbabawi, maaddaanda iti pammati ken ni Jesus, ken agkararagda iti Dios. Dimngeg dagiti tao ken ni Aminadab. Nagkararagda agingga a nagpukaw ti sipnget.

Helaman 5:40–42

agkarkararag dagiti tao idinto a nalikmutanda iti lawag ken apuy

Ti apuy manipud iti Dios ti nanglikmut iti amin a tao ket saan a nanguram kadakuada. Napnuan iti Espiritu Santo dagiti tao ken kasta unay ti ragsakda. Nagsaoda kadagiti nakaskasdaaw a banag. Dimteng manen ti timek. Imbagana kadakuada a maaddaanda iti kappia gapu iti pammatida ken ni Jesus. Dimteng dagiti anghel ket sinarungkaranda dagiti tao.

Helaman 5:43–49

pumanaw da Nephi ken Lehi iti pagbaludan, ken kumitkita dagiti tao

Pimmanaw da Nephi, Lehi, ken amin a tao iti pagbaludan. Imbagada iti adu a tao iti ballasiw ti daga no ania ti nakita ken nangngegda iti dayta nga aldaw. Namati ti kaaduan kadagiti Lamanite ken pinilida ti sumurot ken ni Jesus. Insardengda ti panagranget iti gubat. Ketdi, tinulonganda dagiti tao a maaddaan iti pammati ken ni Jesus ken agbabawida.

Helaman 5:50–52; 6:1–6