Alma 24; 53; 56–57

Dagi Inna ti Agtutubo a Buyot

Panangisuro kadagiti ubbing nga agtalek iti Dios

Ay-ayaten dagiti Anti-Nephi-Lehi ti Apo ken ti amin a tattao. Insuro dagiti inna kadagiti annakda a kanayon a makapagtalekda iti Dios. Insuroda kadakuada a tungpalenda dagiti bilinna.

Alma 26:31–34; 27:12, 27–30; 56:47–48; 57:21, 26

Aglalaban dagiti Nephite ken Lamanite iti dakkel a gubat. Makigubgubat dagiti Nephite tapno masalaknibanda dagiti bukodda a tattao ken dagiti Anti-Nephi-Lehi.

Alma 48–52; 53:10–13

Gapu kadagiti napalabas a basolda, nakitulag dagiti Anti-Nephi-Lehi, wenno nangaramidda iti naisangsangayan a kari iti Dios, a dida pulos makiranget iti asinoman. Ngem ay-ayatenda dagiti Nephite ken kayatda ti tumulong.

Alma 24:6–19; 53:10–13

Mapan makigubat dagiti Anti-Nephi-Lehi. Ngem kinombinsir ida ni propeta Helaman ken dagiti dadduma pay a lider ti Simbaan a nasken a tungpalenda ti karida a saandan a makigubat. Buyaen dagiti Anti-Nephi-Lehi dagiti gagayyemda nga agpaspasar iti adu a saem ken riribuk, ngem tinungpalda ti katulaganda iti Dios.

Alma 53:13–15

Saan nga inaramid dagiti annak a lallaki dagiti Anti-Nephi-Lehi ti kari nga inaramid dagiti nagannakda. Ita, nangaramidda iti bukodda a kari a makirangetda para iti wayawaya.

Alma 53:16–17

Dakkel ti turedda. Nasursuroda kadagiti innada a no dida agduadua, salakniban ida ti Dios.

Alma 53:20; 56:47

Namati dagiti annak a lallaki kadagiti innada. Napudno dagiti annak a lallaki iti Dios ken tinungpalda dagiti bilinna. Nagtalekda a salakniban ida ti Dios. Ammo dagiti inna a salakniban ti Dios dagiti annakda.

Alma 53:20–21; 56:47–48; 57:20–21, 26