Ni Samuel a Propeta

Panangisuro maipapan iti pannakayanak ken ipapatay ni Jesus

Pinapanaw dagiti Nephite ni Samuel iti siudad.

Maysa a Lamanite a propeta nga agnagan Samuel ti napan nangisuro kadagiti Nephite idiay Zarahemla. Insurona ti maipapan iti panagbabawi. Saan a dimngeg dagiti Nephite ket pinaruarda isuna manipud iti siudad.

Helaman 13:1–2

Agsubli koman ni Samuel kadagiti tattaona. Ngem imbaga ti Apo kenkuana nga agsubli tapno isurona dagiti Nephite.

Helaman 13:2–3

Agtaktakder ni Samuel iti ruar ti siudad ket matmatmatanna daytoy

Kinuna ti Apo ken Samuel nga ibagana kenkuana no ania ti isaona. Tinungpal ni Samuel iti Apo. Nagsubli idiay Zarahemla. Ngem saan a pinalubosan dagiti Nephite a sumrek iti siudad.

Helaman 13:3–4

Nagtakder ni Samuel iti pader ti siudad ket nakisarita iti dakkel a grupo dagiti tattao

Kimmalay-at ni Samuel iti pader ti siudad. Imbagana dagiti banag nga impasagepsep ti Apo iti pusona. Binallaaganna dagiti tattao a madadaeldanto gapu ta dakes ti ar-aramidenda. Kinunana a ti laeng panagbabawi ken pammati ken ni Jesucristo ti makaisalakan kadakuada. Kinunana a maipasngay ni Jesus, ti Anak ti Dios, kalpasan ti lima a tawen.

Helaman 13:4–11; 14:2, 8, 12–18

Agtaktakder ni Samuel iti rabaw ti pader ti siudad ket agsasao, ket adda ladawan iti abayna ni Jesus kas maladaga, da Maria, ken Jose

Kinuna ni Samuel nga addanto dagiti pagilasinan ti pannakayanak ni Jesus. Imbagana kadagiti tao a kitaenda dagiti pagilasinan. Ti maysa a pagilasinan ket maysa a rabii nga awan ti sipnget. Ti dadduma pay a pagilasinan ket agparangto iti tangatang ti baro a bituen ken adu a nakaskasdaaw a banag.

Helaman 14:3–7

Agsasao ni Samuel, ket adda iti abayna a ladawan ti Nagungar a Mangisalakan iti ruar ti tanemna a makisarsarita ken ni Maria Magdalena

Kayat ni Samuel a maaddaan dagiti tattao iti pammati ken Jesus. Kinunana a matay ken agungar ni Jesus tapno maisalakan ti amin a tattao no agbabawida.

Helaman 14:8, 12–18

Agsasao ni Samuel, ket adda ladawan iti likudanna ti nasipnget a siudad

Kinuna ni Samuel nga addanto dagiti pagilasinan ti ipapatay ni Jesus. Saanto a makita dagiti tattao ti init, bulan, wenno dagiti bituen. Awanto ti lawag iti tallo nga aldaw.

Helaman 14:20, 27

Agsasao ni Samuel, ket adda iti sibayna ti ladawan ti maysa a siudad a maur-uram a dinadael ti kimat

Addanto gurruod ken kimat. Dumtengto dagiti ginggined, ket madadaelto dagiti siudad.

Helaman 14:21–27

Agtakder ni Samuel iti tuktok ti pader ti siudad, ket ikagkagumaan ti makapungtot a grupo dagiti tattao iti baba a nangibiat kenkuana kadagiti pana ken bato, ngem saanda a mapuntaan ni Samuel

Namati ti sumagmamano a tao ken Samuel, ngem adu a Nephite ti nakapungtot kenkuana. Binato ken pinanada isuna. Sinalakniban ti Apo ni Samuel bayat ti panagtakderna iti pader. Saan a mapuntaan dagiti bato ken pana isuna.

Helaman 16:1–2

agkararag ti dadduma a tao ken madandanaganda, makapungtot ti dadduma, ket pumanaw ni Samuel

Gapu ta saanda a mapuntaan ni Samuel, ad-adu pay a tattao ti namati kadagiti saona. Ngem nakapungtot latta ti kaaduan kadagiti tattao. Pinadasda a tiliwen ni Samuel ket igalutda. Naglibas ni Samuel ket nagawid. Intultuloyna nga insuro dagiti tattaona.

Helaman 16:3, 6–8

maysa a propeta nga agnagan iti Nephi ti makisarsarita kadagiti tao iti abay ti waig

Nagbabawi dagiti Nephite a namati ken Samuel ket binautisaran ida ni propeta Nephi. Namatida ken Jesus ken nakitada dagiti pagilasinan ti pannakayanak ni Jesus nga imbaga ni Samuel kadakuada.

Helaman 16:1, 3–5; 3 Nephi 1:8