Sarungkaran ni Jesus dagiti Tao

Ti panangtulong iti tunggal tao a mamati Kenkuana

ti maysa a pamilia a kumitkita iti tangatang, ken dagiti dadduma a tattao iti siudad agsusupiatda

Adu kadagiti tattao ti saan a dumngeg kadagiti propeta ti Dios Ngem namati ti dadduma a tattao iti insuro dagiti propeta. Inur-uray dagitoy a namati dagiti pagilasinan ti ipapatay ni Jesucristo.

3 Nephi 7:16–26; 8:1–4

dagiti kimat, bagyo, layus, ginggined, ken uram dadaelenda ti maysa a siudad

Kalpasan ti ipapatay ni Jesus idiay Jerusalem, nangrugi dagiti pagilasinan. Kadagiti kontinente ti America adda dagiti bagyo, ginggined, ken uram iti las-ud ti tallo nga oras Nadadael dagiti siudad, ken adu ti natay a tattao. Kalpasanna, nagsipnget ti daga iti tallo nga aldaw.

3 Nephi 8:5–19, 23

adda mangpadas a mangpasged iti apuy, ngem saan nga agsilnag ket nasipnget ti amin

Napuskol ti sipnget isu a saan a makita dagiti tao ti init, bulan, wenno dagiti bituen. Saanda pay ketdi a makasindi iti apuy wenno kandela.

3 Nephi 8:20–23

nasipnget pay laeng, agtitinnulong dagiti tao babaen ti nadadael a pasdek, ken agsangsangit ken agkarkararag ti maysa a tao

Adu kadagiti tattao a sibibiag pay laeng ti nagliday ken mabuteng unay. Nagsangitda ken nagladingitda ta saanda a nagbabawi a nasapsapa.

3 Nephi 8:24–25

nasipnget pay laeng, kumitkita dagiti tattao iti tangatang, ket nagsardeng nga agsangit ti tao nga agkarkararag

Kellaat, ta adda timek a nangngegda. Ni Jesus ti makisarsarita kadakuada. Inkarina a paimbagenna ti amin nga agbabawi. Imbaga ni Jesus kadakuada nga Isu ket natay ken nagungar tapno tulonganna ti amin a tattao. Nasdaaw unay dagiti tattao ta nagsardengdan nga agsangit. Adu nga oras a naulimek ti daga.

3 Nephi 9; 10:1–2

agtugaw dagiti pamilia a nagsirkulo ken umisemda, ket saanen a nasipnget

Nagsao manen ni Jesus. Imbagana kadagiti tattao a tulonganna ida no pilienda ti sumurot Kenkuana. Awanen ti sipnget, ket nagsardeng ti panagkintayeg ti daga. Naragsakan dagiti tattao ken indaydayawda ni Jesus.

3 Nephi 10:3–10

maysa a dakkel a grupo dagiti tao ti naguummong iti aglawlaw ti templo, ket timmangadda iti langit bayat a mangrugin nga aglawag

Agarup makatawen kalpasanna, adu a tao ti immay iti templo iti daga a Bountiful. Nagsaritada maipapan ken ni Jesus ken dagiti pagilasinan ti ipapatayna. Bayat ti panagsasaritada, nangngegda ti naulimek a timek manipud iti langit. Idi damo, saanda a naawatan daytoy. Kalpasanna, nangngegda manen daytoy.

3 Nephi 8:5; 10:18; 11:1–4

bumaba ni Jesucristo manipud langit, ket naragsakan dagiti tao ket pinasangbayda Isuna

Idi nangngegda ti timek iti maikatlo a daras, timmangadda iti langit. Ti Nailangitan nga Ama ti agsasao. Imbagana kadagiti tao a kumita ken dumngegda iti Anakna. Ket nakita dagiti tattao ti maysa a lalaki a nakabado iti puraw a roba a bumabbaba manipud langit.

3 Nephi 11:5–8

Nagtakder ni Jesucristo iti tengnga dagiti tao, ket immasideg kenkuana dagiti tao ket sinagidda dagiti lamma ti lansa kadagiti dakulapna

Nagtakder ti lalaki iti tengnga dagiti tao ket kinunana, “Siak ni Jesucristo.” Nadalupo dagiti tao iti daga. Imbaga ni Jesus kadakuada a nagsagaba ken natay para iti amin. Inawisna dagiti tao a sagidenda dagiti lamma kadagiti ima, saka, ken sikiganna tapno maammuanda nga Isu ti Mangisalakan iti lubong

3 Nephi 11:8–14

nagtugaw ni Jesucristo iti agdan ti templo, ket immasideg dagiti tao Kenkuana ket sinagidda dagiti lamma ti lansa kadagiti dakulapna

Saggaysa nga immasideg dagiti tao ken ni Jesus. Nakitada kadagiti matada ken nariknada kadagiti imada dagiti lamma kadagiti ima, saka, ken bakrangna. Ammoda amin nga Isu ti imbaga dagiti propeta nga umay. Ammoda nga Isu ti Mangisalakan ti lubong. Nagruknoy dagiti tao iti sakaanan ni Jesus ket nagdaydayawda Kenkuana.

3 Nephi 11:15–17