Alma 46–50

Ti Wagayway ti Wayawaya

Panangidepensana iti karbengan a mamati iti Dios

Yunnat ni Amalickiah dagiti takiagna iti sango dagiti taona bayat ti panagrag-oda

Dakkel, napigsa a Nephite ni Amalickiah. Tinarigagayanna ti agbalin nga ari. Inkarina nga ikkanna iti bileg dagiti tao a nangtulong kenkuana. Adu a tattao ti naggusto kenkuana ken pinadasda a pasuroten kenkuana dagiti dadduma. Indauluan ni Amalickiah dagiti tao nga agaramid kadagiiti dakes a banag. Tinarigagayanna ken dagiti pasurotna ti mangpatay kadagiti tao a nangisuro maipapan ken ni Jesucristo.

Alma 45:23–24; 46:1–10

Umadayo ni Kapitan Moroni ken ni Amalickiah ken dagiti taona

Ni Kapitan Moroni, ti dadaulo dagiti buyot dagiti Nephite, ket namati ken ni Jesus. Ammona a nabendisionan dagiti Nephite gapu ta tinungpalda dagiti bilin ti Dios. Nagpungtot unay ta iturturong ni Amalickiah dagiti tao nga umadayo iti Dios, a mangpadpadas nga agbalin nga ari, ken mangpadpadas a mangdangran kadagiti tao.

Alma 46:9–11, 13–15, 18

Ingato ni Kapitan Moroni ti wagayway ti wayawaya

Pinigis ni Moroni ti kagayna. Insuratna ditoy a nasken a laglagipen dagiti tao ti Diosda, ti wayawayada, ken dagiti pamiliada. Insingdanna daytoy iti palo ket inawaganna daytoy iti wagayway ti wayawaya. Nagkararag ni Moroni iti pammendision ti Dios. Impakitana kadagiti Nephite ti wagayway ti wayawaya ket kiniddawna kadakuada a makikadua kenkuana iti pannakiranget ken ni Amalickiah.

Alma 46:12–20, 23–24, 28

Agtakder ni Kapitan Moroni iti sango ti buyotna ken dagiti pamiliada

Insuot dagiti tao ti kabalda ket nagtarayda ken ni Moroni. Nakasaganada a makiranget para iti Dios ken kadagiti pagtaengan, pamiliada, ken wayawayada. Nagaramidda iti katulagan, wenno naisangsangayan a kari, nga iti Dios a kanayondanto a sumurot Kenkuana. Kalpasanna nagsaganada a makiranget ken ni Amalickiah.

Alma 46:21–22, 28

Agtaray ni Amalickiah ken ti sumagmamano a soldadona

Dakkel ti buyot ni Moroni. Nagbuteng ni Amalickiah. Pinadasna ti nagtaray a kaduana dagiti pasurotna. Ngem adu kadakuada ti madanagan a makiranget ni Amalickiah gapu kadagiti biddut a rason. Adu ti saanen a sumurot kenkuana. Pinagsardeng ti buyot ni Moroni dagiti sumursurot pay laeng ken ni Amalickiah, ngem nakalibas ni Amalickiah ken ti sumagmamano a dadduma pay.

Alma 46:29–33

Kasao ni Amalickiah dagiti Lamanite

Napan ni Amalickiah iti daga dagiti Lamanite. Tarigagayanna a tumulong kenkuana dagiti Lamanite a makiranget kadagiti Nephite. Kalpasanna agbalinto a dakdakkel, napigpigsa ti buyotna. Nagun-odna ti adu kadagiti Lamanite a makapungtot kadagiti Nephite. Imbaga ti ari dagiti Lamanite iti amin a Lamanite nga agsaganada a makiranget kadagiti Nephite.

Alma 47:1

Agparintumeng ni Amalickias iti sangoanan ti ari a Lamanite para iti korona

Nagustuan ti ari ni Amalickiah. Pinagbalinna ni Amalickiah a maysa kadagiti lider iti buyot dagiti Lamanite. Ngem tinarigagayan ni Amalickiah ti dakdakkel pay a bileg.

Alma 47:1–3

Agsuot ni Amalickiah iti korona

Nagaramid ni Amalickiah iti plano a mangituray kadagiti Lamanite. Innalana ti sibubukel a buyot dagiti Lamanite. Kalpasanna, pinapatayna kadagiti katulonganna ti ari ken yulbodna maipapan no asino ti nangaramid iti daytoy.

Alma 47:4–26

Aggemgem ni Amalickiah iti sango dagiti soldado a Lamanite bayat ti panagrag-oda

Nagpammarang ni Amalickiah a makapungtot a natay ti ari. Nagustuan dagiti Lamanite ni Amalickiah. Inkallaysana ti reyna ket nagbalin a baro nga ari. Tinarigagayanna met nga iturayan dagiti Nephite. Nagsao iti madi maipapan kadagiti Nephite tapno agpungtot dagiti Lamanite kadakuada. Di nagbayag, tinarigagayan dagiti Lamanite ti makiranget kadakuada.

Alma 47:25–35; 48:1–4

Nagbangon kadagiti pader ni Kapitan Moroni ken dagiti soldadona

Idinto a nagun-od ni Amalickiah ti bileg babaen ti panagulbod, insagana ni Moroni dagiti Nephite nga agtalek iti Dios. Nangipan ni Moroni iti wagayway ti wayawaya iti tunggal torre iti daga a mangipalagip kadakuada iti karida. Insagana pay dagiti buyot ni Moroni dagiti siudad dagiti Nephite para iti gubat. Nagbangonda kadagiti pader ken nagkalida kadagiti trinsera tapno agbalin a natalged ken natibker dagiti siudad.

Alma 46:36; 48:7–18

Dagiti soldado ni Amalickiah agpanada iti siudad dagiti Nephite

Idi immay dagiti Lamanite a makiranget, saanda a makastrek kadagiti siudad dagiti Nephite. Napasardengda kadagiti pader ken trinsera nga inaramid dagiti buyot ni Moroni. Adu a Lamanite ti natay idi rinautda dagiti Nephite. Kasta unay ti pungtot ni Amalickiah. Inkarina a patayenna ni Moroni.

Alma 49:1–27

Kasarita ni Kapitan Moroni dagiti Nephite kalpasan ti gubat.

Nagyaman dagiti Nephite iti Dios gapu iti panangtulong ken panangsalaknibna kadakuada. Ad-adda a pinatalgedda dagiti siudadda ken nangbangonda iti ad-adu pay a siudad. Nagtultuloy ti pannakigubat kadagiti Lamanite, ngem tinulongan ti Dios ni Moroni ken dagiti buyotna a mangpatalinaed a natalged dagiti Nephite. Naragsak dagiti Nephite. Nagtungpalda iti Dios ken nagtalinaedda a napudno Kenkuana.

Alma 49:28–30; 50:1–24